Viðskipti innlent

Sigurður Jökull ráðinn markaðsstjóri Faxaflóahafna

Ólafur Björn Sverrisson skrifar
Sigurður Jökull Ólafsson er nýr markaðsstjóri Faxaflóahafna.
Sigurður Jökull Ólafsson er nýr markaðsstjóri Faxaflóahafna. Facebook

Faxaflóahafnir sf. hafa ráðið Sigurð Jökul Ólafsson í stöðu markaðsstjóra og tók hann við starfinu þann 1. júlí síðastliðinn.

Þetta kemur fram í tilkynningu frá Faxaflóahöfnum. Þar segir að Sigurður Jökull hafði starfað um árabil í Danmörku fyrir alþjóðlega ferðaheildsala við markaðs- og sölumál ásamt viðskiptaþróun fyrir áfangastaðina Noregur, Danmörk og Ísland.

Samkvæmt tilkynningunni er Sigurður Jökull er með MSc gráðu í markaðsfræði og alþjóðaviðskiptum frá Háskóla Íslands, þar sem lokaverkefni hans var um greiningu á tækifærum í virðiskeðju íslenska sjóeldislaxins. Þar áður stundaði hann diplómanám í e-commerce við Copenhagen Business Academy í Kaupmannahöfn.

„Það eru spennandi tímar framundan hjá Faxaflóahöfnum sem ég hlakka til að taka þátt í. Áhrifa heimsfaraldurs gætir ekki lengur hvað varðar komur skemmtiferðaskipa og samhliða höfum við orðið vör við áherslubreytingu hjá útgerðum skemmtiferðaskipa, sem sækjast í auknum mæli eftir að stunda farþegaskipti í okkar höfnum. Enn fremur eru spennandi skref framundan í átt að grænni lausnum, þar sem ráðgert er að komið verði á landtengingu rafmagns á haustmánuðum 2022 við stærstu gámaflutningaskipin sem sigla reglulega til hafna okkar. “ segir Sigurður Jökull.

Vistaskipti Auglýsinga- og markaðsmál Hafnarmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið