Veiði

Mikið af laxi á Iðu

Karl Lúðvíksson skrifar
Tekist á við lax Á Iðu í gær.
Tekist á við lax Á Iðu í gær. Mynd: Árni Baldursson FB

Iða er veiðisvæði sem ekki margir hafa fengið þá ánægju að veiða en þeir sem komast í það segja oftar en ekki frá ævintýralegri veiði.

Iðan er svæðið þar sem Stóra Laxá rennur í Hvítá og þarna er veitt á mjög stuttum kafla en veiðin getur verið feyknagóð þegar göngur eru góðar. Samkvæmt Facebook innslagi hjá Árna Baldurssyni er veiðin góð þarna þessa dagana en þrjár stangir lönduðu í gær 15 löxum og þar er mikið af laxi á svæðinu.

Þetta er enn eitt veiðisvæðið sem nýtur góðs af netaupptöku á vatnasvæðinu og það er þess vegna löngu ljóst að netalagnir í Hvítá og Ölfusá eru löngu úreltar. Hagfræðin á bak við netaupptöku er sáraeinföld. Verðmæti hvers veidds lax á stöng er margfalt það á við kílóverð fyrir hvern lax í net. Lax á stöng skilar tekjum til landeigenda margföldu við því sem netalax skilar, þjónustan í kringum veiðimenn skilar störfum í veiðihúsum, veiðileiðsögn og veiðibúðum. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.