Fótbolti

Frakkar hita upp fyrir EM með stór­sigri

Runólfur Trausti Þórhallsson skrifar
Kadidiatou Diani skoraði í tvö í dag.
Kadidiatou Diani skoraði í tvö í dag. Catherine Steenkeste/Getty Images

Frakkland mætti Víetnam í síðasta leik liðsins fyrir EM kvenna sem hefst í Englandi þann 6. júlí. Lauk leiknum með 7-0 sigri Frakklands.

Delphine Cascarino kom Frakklandi yfir á fimmtu mínútu og það var strax ljóst í hvað stefndi. Kadidiatou Diani bætti við öðru markinu á 11. mínutu. 

Sandie Toletti skoraði svo þriðja markið, Marie-Antoinette Katoto það fjórða og Clara Mateo það fimmta á 33. mínútu leiksins. Diani bætti við sjötta markinu undir lok fyrir hálfleiks og staðan 6-0 í hálfleik.

Síðari hálfleikur var heldur rólegri, Aissatou Tounkara skoraði sjöunda mark Frakklands á 68. mínútu og þar við sat. 

Lokatölur 7-0 og Frakklands mætir fullt sjálfstrausts inn í D-riðil Evrópumótsins. Þar mætir liðið Íslandi, Belgíu og Ítalíu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.