Neytendur

Mikil­vægast að spenna bogann ekki of hátt við lán­töku

Vésteinn Örn Pétursson skrifar
Una Jónsdóttir, hagfræðingur hjá Landsbankanum.
Una Jónsdóttir, hagfræðingur hjá Landsbankanum. Vísir/Ívar

Hagfræðingur segir ólíklegt að verðbólga hjaðni á næstunni, þótt hægja muni á henni. Vaxtabyrði óverðtryggða húsnæðislána hafi aukist verulega vegna vaxtahækkana að undanförnu og fólk verði að varast að spenna bogann of hátt.

Í hagsjá Landsbankans kemur fram að útlán óverðtryggðra lán hafi þrefaldast því stýrivaxtalækkanir hófust árið 2019. Verðbólga mælist nú 8,8 prósent, en hækkandi vextir vegna aukinnar verðbólgu valda því að vaxtabyrðin á slíkum lánum eykst umtalsvert.

Ef miðað er við 40 milljóna króna húsnæðislán og lægstu óverðtryggðu íbúðavexti hefur mánaðarleg vaxtabyrði á því láni hækkað úr hundrað og tíu þúsund krónum í tvöhundruð og átta þúsund krónur. Hækkun upp á tæpar hundrað þúsund krónur á mánuði. Þetta má sjá í hagsjá Landsbankans. 

„Vaxtagreiðslan af lánum mun halda áfram að hækka. Núna eru stýrivextir í 4,75 prósentum. Við gerum ráð fyrir að þetta fari örugglega upp í sex prósent fyrir árslok. Það þýðir sömuleiðis hækkun á vöxtum íbúðalána og hækkandi greiðslubyrði,“ segir Una Jónsdóttir, hagfræðingur hjá Landsbankanum.

Erfitt sé að meta hvort hagstæðara væri að taka verðtryggt lán

„Það þarf náttúrulega bara alltaf að passa það að maður sé ekki að spenna bogann of hátt, sérstaklega ekki ef maður er að taka lán á breytilegum vöxtum.“

Búast megi við að það dragi úr verðbólgu á næstunni.

„Það á kannski ekkert endilega að gera ráð fyrir því að hún hjaðni alveg strax? Ekki alveg strax. Við gerum alveg ráð fyrir því að það taki svolítinn tíma, við getum alveg séð þessa verðbólgu halda áfram að aukast örlítið á milli mánaða. En það fer að koma að toppnum.“


Tengdar fréttir

Vill sjá heimild til að lengja í lánum til að létta greiðslu­byrðina

Formaður Starfsgreinasambandsins segir að heimild þurfi til að lengja í óverðtryggðum lánum til að létta greiðslubyrði þeirra í upphafi lánstímans. Óverðtryggðum lánum fjölgaði mikið í faraldrinum, en greiðslubyrði hefur aukist vegna vaxtahækkana að undanförnu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.