Kol­brúnu sagt upp störfum á Frétta­blaðinu

Kolbrún staðfestir þetta í samtali við Vísi en vill lítið tjá sig frekar um málið. „Ég hef verið í blaðamennsku í 25 ár og hef það sem prinsipp að hætta alltaf í góðu, hvernig sem aðstæður eru,“ segir hún.

Samkvæmt heimildum Vísis var Kolbrúnu sagt upp störfum að ósk ritstjóra og ástæða þess sé skipulagsbreytingar og hagræðingar.

Hvorki hefur náðst í Sigmund Erni Rúnarsson, ritstjóra Fréttablaðsins, né Jón Þórisson, forstjóra útgáfufélagsins Torgs ehf, við vinnslu fréttarinnar.