Bílar

Ford sýndi 2000 hest­afla ofur­raf­sendi­bíl

Kristinn Ásgeir Gylfason skrifar
Ford Pro Electric SuperVan.
Ford Pro Electric SuperVan.

Ford notaði Goodwood Festival of Speed til að sýna heiminum nýja rafknúna útgáfu af Ford SuperVan bíl sínum, sem nú er búinn næstum 2000 hestafla mótor og ber bíllinn nú heitið Ford Pro Electric SuperVan.

Bíllinn á ættir að rekja til kappakstursdeildar Ford. Bíllinn hefur fjóra rafmótora og er innan við tvær sekúndur í 100 km/klst. úr kyrrstöðu. Rafmótorarnir eru tengdir við 50kWh vökvakælda rafhlöðu. Bíllinn er 45 mínútur að hlaða sig en Ford gefur ekkert upp um drægni hans.

Bíllinn er hannaður til að skila nægu niðurtogi til að halda honum á götunni. Eins og sjá má á yfirbyggingu hans.

Bíllinn fer upp brekkuklifrið á Goodwood Festival of Speed með Romain Dumas við stýrið. Goodwood hátíðin fer fram í Bretlandi, þar sem Ford kynnti nýlega Ford E-Transit Custom, sem er lítill sendibíll. Ford neitar að setja þann bíl á sölu í Bandaríkjunum, sennilega vegna þess að hann gæti gert lífið erfitt fyrir F-150 Lightning rafpallbíl Ford.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×