Veiði

Fín veiði í heiðarvötnum landsins

Karl Lúðvíksson skrifar
Flott veiði á Arnarvatnsheiði
Flott veiði á Arnarvatnsheiði

Silungveiði er eitthvað skemmtilegasta fjölskyldusport sem hægt er að stunda og það er fullt af vötnum um allt land þar sem allir ættu að geta sett í fisk.

Við búum svo vel í þessu landi að eiga urmull af heiðarvötnum þar sem veiðin er góð og silungurinn bæði vænn og góður í soðið. Fréttir af Arnarvatnsheiði hafa til að mynda verið mjög góðar og er veiðin búin að vera fín í flestum vötnum þar sem veiðimenn hafa rennt. Þess má gera að ný brú yfir Norðlingafljót gerir það að verkum að nú þarf ekki annað en þokkalegan fjórhjóladrifsbíl til að komast í vötnin sunnanmegin á heiðinni.

Veiðin á Skagaheiði hefur að sama skapi verið góð en þar hefur til dæmis verið frábær veiði í Ölvisvatni. Nokkrir hópar sem Veiðivísir hefur heyrt frá hafa verið með 150-200 fiska eftir tvo daga á fjórar til sex stangir. Það er erfitt að toppa svoleiðis veiðiveislu. Núna næstu tvær til þrjár vikur er langsamlega besti tíminn á Arnarvatnsheiði og Skagaheiði svo það er um að gera fyrir þau sem eru komin í sumarfrí að gera sér ferð í þessu fallegu heiðarvötn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.