Innlent

Ekið á gangandi, hjólandi og á rafhlaupahjóli

Kjartan Kjartansson skrifar
Það er ekki tekið út með sældina að vera á öðrum fararskjóta en bíl suma daga. Þrjú óhöpp urðu þar sem bíl var ekið á hjólandi eða gangandi í borginni í dag.
Það er ekki tekið út með sældina að vera á öðrum fararskjóta en bíl suma daga. Þrjú óhöpp urðu þar sem bíl var ekið á hjólandi eða gangandi í borginni í dag. Vísir/Vilhelm

Bifreiðum var ekið á gangandi vegfaranda, hjólreiðamann og manneskju á rafhlaupahjóli í Reykjavík í dag. Þá var bíl ekið á lamb í austurborginni.

Greint var frá því í dag að strætisvagni hefði verið ekið á gangandi vegfaranda á Sæbraut. Vegfarandinn er sagður hafa hlotið tvo skurði á höfði en lögreglan rannsakar málið sem alvarlegt umferðarslys.

Í dagbók lögreglunnar á höfuðborgarsvæðinu kemur fram að einnig hafi bíl verið ekið á manneskju á rafhlaupahjóli. Slysið hafi verið á litlum hraða og sá sem var á rafhlaupahjólinu hafi hlotið minni háttar meiðsli. Þar að auki var ekið á hjólreiðamann en ekki koma frekari upplýsingar fram um það slys í dagbókinni.

Í austurborginni var ekið á lamb. Talið er að það hafi fótbrotnað en eigandi þess ætlaði að gera ráðstafanir vegna þess þegar lögregla hafði samband við hann.

Reykjavík Samgönguslys Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið