Viðskipti innlent

IKEA inn­kallar METALLISK espressó­könnu

Atli Ísleifsson skrifar
Varan sem um ræðir.
Varan sem um ræðir. IKEA

IKEA hefur ákveðið að innkalla METALLISK espressókönnu með öryggisventli úr ryðfríu stáli vegna slysahættu af völdum yfirþrýstings.

Í tilkynningu frá IKEA segir að viðskiptavinir sem eigi slíka 0,4 lítra könnu fyrir helluborð, með framleiðsludagsetningar frá 2040 til 2204 (áávv), séu hvattir til að taka hana úr notkun og skila í IKEA þar sem hún verði að fullu endurgreidd.

„Hætta á yfirþrýstingi kom upp eftir breytingar á efni og gerð öryggisventilsins og því eru það aðeins könnur með öryggisventil úr ryðfríu stáli (silfurlitur/grár) sem eru innkallaðar. Innköllunin á aðeins við um þessa tilteknu vöru.

IKEA hvetur alla sem eiga METALLISK espressókönnu með öryggisventil úr ryðfríu stáli til að skila þeim og fá að fullu endurgreitt. Kvittun er ekki skilyrði fyrir endurgreiðslu,“ segir í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×