Stuðningsmenn muni bera kostnaðinn af dýrasta HM sögunnar Valur Páll Eiríksson skrifar 3. júní 2022 16:31 Ljóst er að mörg munu sniðganga Katar vegna stöðu mála þar í landi. Harry Langer/Getty Images Stuðningsmenn liða sem taka þátt á HM karla í fótbolta í Katar í vetur sjá fram á gríðarlegan útlagðan kostnað. Samkvæmt úttekt breska miðilsins Telegraph getur kostað stuðningsmenn rúmlega 1,1 milljón íslenskra króna að fara á mótið. Telegraph greinir frá því að margur stuðningsmaðurinn sé óviss um Katarsför, þrátt fyrir að hafa tryggt sér miða á leiki síns liðs. Strangar reglur um hótelgistingu valda vandræðum þar sem öll hótelherbergi eru bókuð í gegnum miðstýrt kerfi og allra ódýrasta gistingin, í sértilgerðum HM-kofum, kostar 25 þúsund krónur nóttin. Matt Willis, sem vinnur fyrir stuðningsmannasamtök í Englandi, segir að stuðningsmenn Englands geti búist við því að greiða lágmark sjö þúsund pund, rúmlega 1,1 milljón króna, fyrir ferð sína til Katar ef liðið fer alla leið í úrslit eða bronsleik. Til samanburðar segist hann hafa eytt þúsund pundum, um 160 þúsund krónum, fyrir að horfa á alla þrjá leiki Englands í riðlakeppninni á HM í Rússlandi fyrir fjórum árum. Þar sé meðtalinn ferðakostnaður, gisting og matur, auk miða á leikina. „Það er engin leið til að gera þetta ódýrt,“ segir Willis. „Jafnvel þeir sem pöntuðu flug snemma borga um þúsund pund. Þá er eftir að bóka gistingu þar sem sú allra ódýrasta sem stendur er á 200 dollara nóttin,“ „Aðeins er hægt að bóka gistingu gegnum miðstýrt kerfi og þú getur ekki bókað gistingu nema þú sért búinn að tryggja þér miða á leik. Svo þú þarft aðgangskóða til að ganga frá gistingu, ekkert af þessu er einfalt eða þægilegt.“ Miðakostnaður fyrir stuðningsmann Englands sem kaupir miða á alla leiki liðsins, fari það alla leið, er rúmlega 1200 pund, flugið kostar lágmark 1000 pund og þá er gert ráð fyrir að meðalstuðningsmaðurinn þurfi að eyða um 2000 pundum í mat, áfengi, ferðakostnað innan landsins og annað á meðan mótið fer fram. Heildarkostnaðurinn fari því yfir 7000 pund, sé gistingin tekin með í reikninginn. Miðasala hefur verið dræm á mótið. The Guardian greindi frá því í maí að aðeins um 800 þúsund miðar hefðu selst af þeim 3,1 milljón sem hefði verið sett í sölu þá. 2,5 milljón miða af þremur milljónum höfðu selst á sama tímapunkti fyrir HM í Rússlandi fyrir fjórum árum. Margt misjafnt gengið á Katar hefur sætt töluverðri gagnrýni vegna mótsins, sem hefst þann 21. nóvember og er fyrsta vetrarmót HM-sögunnar. Af þeim sökum verður næsta leiktíð mikið púsluspil fyrir skipuleggjendur deilda víða um heim þar sem fótboltadagatalið fer úr skorðum. Fyrr í vikunni settu samtökin Carbon Market Watch, sem vinna reglulega með Evrópusambandinu þegar kemur að málefnum útblásturs og mengunar, fram skýrslu sem sýndi fram á að Katar væri langt frá því að uppfylla loforð sín um að halda fyrsta kolefnishlutlausa (e. carbon neutral) heimsmeistaramót sögunnar. Samkvæmt skýrslunni stefnir í að útblástur og mengun vegna mótsins verði tvöföld á við þá sem fylgdi Rússlandi árið 2018. Það er þrátt fyrir gríðarlegar vegalengdir milli keppnisstaða í Rússlandi með meðfylgjandi útblæstri vegna lestar-, flug- og bílferða milli staða. Á móti kemur að aldrei hefur verið eins stutt á milli valla og í smáríkinu Katar, sem segir sitt um kolefnisspor af öðrum völdum á mótinu sem fram undan er. Greint var þá frá því á síðasta ári að 6500 verkamenn, að minnsta kosti, hafi látið lífið við uppbyggingu fyrir mótið í Katar. Amnesty International hefur þá sakað Katara um að hafa fólk í þrælavinnu við ómannúðleg skilyrði. Margir hafa þá áhyggjur af bágri réttindastöðu kvenna, sem og stöðu samkynhneigðra sem hyggjast fara á mótið, enda samkynhneigð ólögleg í landinu. HM 2022 í Katar Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Southampton leikur um laust sæti í ensku úrvalsdeildinni Fótbolti Tíunda tapið í röð hjá Íslendingaliði Balingen Handbolti Fleiri fréttir Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Svona var blaðamannafundur Þorsteins fyrir mikilvæga leiki Allt í skrúfunni hjá Bæjurum: Tuchel fer eftir allt saman Fjórir af tíu launahæstu íþróttamönnum heims spila í Sádi-Arabíu Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn UEFA setur pressu á City Football Group Fyrirliði 21 árs landsliðs Svía skiptir um landslið Sjá meira
Telegraph greinir frá því að margur stuðningsmaðurinn sé óviss um Katarsför, þrátt fyrir að hafa tryggt sér miða á leiki síns liðs. Strangar reglur um hótelgistingu valda vandræðum þar sem öll hótelherbergi eru bókuð í gegnum miðstýrt kerfi og allra ódýrasta gistingin, í sértilgerðum HM-kofum, kostar 25 þúsund krónur nóttin. Matt Willis, sem vinnur fyrir stuðningsmannasamtök í Englandi, segir að stuðningsmenn Englands geti búist við því að greiða lágmark sjö þúsund pund, rúmlega 1,1 milljón króna, fyrir ferð sína til Katar ef liðið fer alla leið í úrslit eða bronsleik. Til samanburðar segist hann hafa eytt þúsund pundum, um 160 þúsund krónum, fyrir að horfa á alla þrjá leiki Englands í riðlakeppninni á HM í Rússlandi fyrir fjórum árum. Þar sé meðtalinn ferðakostnaður, gisting og matur, auk miða á leikina. „Það er engin leið til að gera þetta ódýrt,“ segir Willis. „Jafnvel þeir sem pöntuðu flug snemma borga um þúsund pund. Þá er eftir að bóka gistingu þar sem sú allra ódýrasta sem stendur er á 200 dollara nóttin,“ „Aðeins er hægt að bóka gistingu gegnum miðstýrt kerfi og þú getur ekki bókað gistingu nema þú sért búinn að tryggja þér miða á leik. Svo þú þarft aðgangskóða til að ganga frá gistingu, ekkert af þessu er einfalt eða þægilegt.“ Miðakostnaður fyrir stuðningsmann Englands sem kaupir miða á alla leiki liðsins, fari það alla leið, er rúmlega 1200 pund, flugið kostar lágmark 1000 pund og þá er gert ráð fyrir að meðalstuðningsmaðurinn þurfi að eyða um 2000 pundum í mat, áfengi, ferðakostnað innan landsins og annað á meðan mótið fer fram. Heildarkostnaðurinn fari því yfir 7000 pund, sé gistingin tekin með í reikninginn. Miðasala hefur verið dræm á mótið. The Guardian greindi frá því í maí að aðeins um 800 þúsund miðar hefðu selst af þeim 3,1 milljón sem hefði verið sett í sölu þá. 2,5 milljón miða af þremur milljónum höfðu selst á sama tímapunkti fyrir HM í Rússlandi fyrir fjórum árum. Margt misjafnt gengið á Katar hefur sætt töluverðri gagnrýni vegna mótsins, sem hefst þann 21. nóvember og er fyrsta vetrarmót HM-sögunnar. Af þeim sökum verður næsta leiktíð mikið púsluspil fyrir skipuleggjendur deilda víða um heim þar sem fótboltadagatalið fer úr skorðum. Fyrr í vikunni settu samtökin Carbon Market Watch, sem vinna reglulega með Evrópusambandinu þegar kemur að málefnum útblásturs og mengunar, fram skýrslu sem sýndi fram á að Katar væri langt frá því að uppfylla loforð sín um að halda fyrsta kolefnishlutlausa (e. carbon neutral) heimsmeistaramót sögunnar. Samkvæmt skýrslunni stefnir í að útblástur og mengun vegna mótsins verði tvöföld á við þá sem fylgdi Rússlandi árið 2018. Það er þrátt fyrir gríðarlegar vegalengdir milli keppnisstaða í Rússlandi með meðfylgjandi útblæstri vegna lestar-, flug- og bílferða milli staða. Á móti kemur að aldrei hefur verið eins stutt á milli valla og í smáríkinu Katar, sem segir sitt um kolefnisspor af öðrum völdum á mótinu sem fram undan er. Greint var þá frá því á síðasta ári að 6500 verkamenn, að minnsta kosti, hafi látið lífið við uppbyggingu fyrir mótið í Katar. Amnesty International hefur þá sakað Katara um að hafa fólk í þrælavinnu við ómannúðleg skilyrði. Margir hafa þá áhyggjur af bágri réttindastöðu kvenna, sem og stöðu samkynhneigðra sem hyggjast fara á mótið, enda samkynhneigð ólögleg í landinu.
HM 2022 í Katar Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Southampton leikur um laust sæti í ensku úrvalsdeildinni Fótbolti Tíunda tapið í röð hjá Íslendingaliði Balingen Handbolti Fleiri fréttir Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Svona var blaðamannafundur Þorsteins fyrir mikilvæga leiki Allt í skrúfunni hjá Bæjurum: Tuchel fer eftir allt saman Fjórir af tíu launahæstu íþróttamönnum heims spila í Sádi-Arabíu Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn UEFA setur pressu á City Football Group Fyrirliði 21 árs landsliðs Svía skiptir um landslið Sjá meira