Helvítis kokkurinn: Kjúklingasamloka með Bourbon-Beikon sultu

Elísabet Hanna skrifar 1. júní 2022 07:01

Ívar Örn Hansen er Helvítis kokkurinn sem ætlar að kenna ykkur að elda bragðgóðan mat á mannamáli á Vísi og á Stöð 2+ í sumar. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og munu þeir koma inn vikulega.

Uppskriftina úr þættinum má sjá hér að neðan.

Kjúklingasamloka með Bourbon-Beikon sultu

Kjúklingur
6 kjúklingalæri úrbeinuð
200 ml safi af súrum gúrkum
1 msk teriyaki
2 msk púðursykur
2 msk olía
salt og pipar

Súrdeigsbrauð með kryddjurtaolíu

súrdeigsbrauð
1/2 búnt basil
1/2 búnt steinselja
salt og pipar
hvítlauksrif
olía

Bourbon-Beikon sulta

8 sneiðar beikon
1 1/2 laukur
2 hvítlauksrif
200 gr púðursykur
200 ml Bourbon
3 msk kurlaður ananas
2 msk Balsamic edik
2 msk soya sósa
2 msk teriyaki sósa
2 msk Worchester sósa
1 msk tabasco
1 msk laukduft
2 msk paprikuduft
1 msk cayenne pipar
1 msk chilli pipar
salt og pipar

Aðferð:

Saxið beikon og steikið í 5 mín, saxið lauk og hvítlauk og setjið einnig á pönnuna. Steikið blönduna í 5 - 10 mín. Setjið öll önnur innihaldsefni á pönnuna og sjóðið á miðlungshita í 40 - 50 mín. Hrærið öðru hvoru.
Íssalat, tómatar, gúrka, rauðlaukur skorinn í samlokuvænar sneiðar.
Blandið gúrkusafa,teriyaki og púðusykri saman og marinerið kjúlla í blöndunni í 1 klst í kæli. Takið kjúkling úr kæli og þerrið. Steikið kjúlla á grillpönnu upp úr olíu í 10 - 15 mín.
Blandið kryddolíu með töfrasprota, skerið brauð í sneiðar, penslið brauð með olíu og grillið á pönnu. Muna eftir að salta sneiðar.

Setjið saman og njótið.

Helvítis kokkurinn Matur Uppskriftir Sultur Kjúklingur

Tengdar fréttir

Ívar Örn Hansen er Helvítis kokkurinn

Ívar Örn Hansen er að fara af stað með matreiðsluþættina Helvítis kokkurinn hér á Vísi og á Stöð 2+ þar sem hann eldar bragðgóðan mat á mannamáli og sleppir öllu kjaftæðinu. Sjálfur er hann mikill matarunnandi sem elskar að gleðja aðra með góðum mat.

28. maí 2022 12:31