Fótbolti

Ásgeir: Kominn tími á bikarævintýri

Sindri Már Fannarsson skrifar
Ásgeir Eyþórsson, leikmaður Fylkis.
Ásgeir Eyþórsson, leikmaður Fylkis. Vísir/Hulda Margrét

Ásgeir Eyþórsson, varnarmaður Fylkis, var nokkuð ánægður með frammistöðuna í dag í 2-1 sigri Fylkis á ÍBV í 32-liða úrslitum Mjólkurbikarsins.

„Ég var ánægður með frammistöðuna framan af, þangað til við komumst í 2-0, en við duttum svona fullmikið niður eftir það og gerðum þetta óþarflega spennandi. Það var kannski svona týpískt fyrir svona bikarleiki, það kom aukinn kraftur í þá og við fórum kannski að halda aðeins of mikið. En bara heilt yfir nokkuð sáttur,“ sagði Ásgeir Eyþórsson, varnarmaður Fylkis, í samtali við Vísi eftir leik.

Ásgeir skoraði þriðja markið sitt á tímabilinu í leiknum, sem verður að teljast ágætis framlag frá miðverði í fjórum leikjum. 

„Þetta er búið að vera að detta óvenju vel núna þetta sumarið. Ég er bara mjög sáttur með það að geta potað inn mörkum.“ 

Ásgeir er bjartsýnn á framhaldið í Mjólkurbikarnum. „Það er kominn tími til að ná einu bikarævintýri og við erum staðráðnir í það.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.