Viðskipti innlent

Ný stjórn og framkvæmdastjóri FVH

Bjarki Sigurðsson skrifar
Efri röð frá hægri: Gylfi Þór Sigurðsson, Hulda Hallgrímsdóttir, Þórarinn Hjálmarsson, Harpa Rut Sigurjónsdóttir, Anna Margrét Steingrímsdóttir og Rut Kristjánsdóttir. Neðri röð: Tryggvi Másson, Lára Hrafnsdóttir og Hjalti Harðarson.
Efri röð frá hægri: Gylfi Þór Sigurðsson, Hulda Hallgrímsdóttir, Þórarinn Hjálmarsson, Harpa Rut Sigurjónsdóttir, Anna Margrét Steingrímsdóttir og Rut Kristjánsdóttir. Neðri röð: Tryggvi Másson, Lára Hrafnsdóttir og Hjalti Harðarson. Haraldur Guðjónsson Thors

Ný stjórn var kjörin á aðalfundi Félags viðskipta- og hagfræðinga (FVH) þann 10. maí síðastliðinn, ásamt því að nýr framkvæmdastjóri félagsins var kynntur til starfa.

Í nýskipaðri stjórn eru þau Lára Hrafnsdóttir, formaður, Tryggvi Másson, varaformaður, Gylfi Þór Sigurðsson, Harpa Rut Sigurjónsdóttir, Hálfdán Steinþórsson, Hjalti Harðarson, Hulda Hallgrímsdóttir, Rut Kristjánsdóttir, Sigurður Tómasson og Þórarinn Hjálmarsson. Tveir koma nýir inn í stjórn félagsins, þau Hulda Hallgrímsdóttir og Sigurður Tómasson, sem taka við af Bjarna Herrera og Þórunni Helgadóttur.

Nýr framkvæmdastjóri Félags viðskipta- og hagfræðinga er Anna Margrét Steingrímsdóttir og tekur hún við af Telmu Eir Aðalsteinsdóttur. Anna Margrét er með MSc gráðu í þjónustustjórnun frá Háskóla Íslands ásamt því að hafa áður lokið BSc gráðu frá sama skóla í markaðsfræði og alþjóðaviðskiptum.

Anna Margrét hefur reynslu af verkefna- og þjónustustjórnun og starfar sem flugfreyja hjá Icelandair. Anna starfaði áður hjá Sjóvá í einstaklingsráðgjöf og þar áður sem flugfreyja hjá WOWair. Eiginmaður Önnu er Hilmar Þór Hilmarsson og eiga þau tvo syni.

FVH er félagsskapur háskólamenntaðs fólks í viðskipta- og hagfræði auk áhugafólks um fræðin. Félagið stendur fyrir reglulegum viðburðum með áherslu á málefni líðandi stundar, endurmenntun og eflingu tengslanets. FVH framkvæmir einnig kjarakönnun meðal viðskipta- og hagfræðinga ásamt því að halda út innra svæði fyrir félagsmenn.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.