Ný sýn hélt meirihluta sínum í Vesturbyggð

Atli Ísleifsson skrifar 16. maí 2022 12:53

Patreksfjörður og Bíldudalur eru stærstu þéttbýlisstaðirnir í Vesturbyggð. Myndin er frá Bíldudal. Vísir/Vilhelm

N-listi Nýrrar sýnar hélt meirihluta sínum í sveitarstjórnarkosningunum sem fram fóru á laugardag. Listinn fékk fjóra menn kjörna líkt og í kosningunum 2018, og D-listi Sjálfstæðisflokks og óháðra þrjá kjörna.

Á kjörskrá voru 773 og voru það 562 sem greiddu atkvæði. var kjörsóknin því 72,7 prósent.

Atkvæði féllu á þessa leið:

D-listi Sjálfstæðisflokks og óháðra, 263 atkvæði
N-listi Nýrrar sýnar hlaut 281 atkvæði

Jón Árnason, oddviti Nýrrar sýnar, segir í samtali við Vísi, að það sé ljóst að fólk treysti listanum til áframhaldandi starfa. „Það eru allir sammála um að byggja upp gott samfélag hérna. Meirihlutinn og minnihlutinn hafa unnið vel saman að góðum málum og vonandi verður svo áfram.“

Rebekka Hilmarsdóttir hefur gegnt embætti sveitarstjóra síðustu fjögur árin. Jón segir að vilji sé til af hálfu meirihlutans að halda samstarfinu áfram. „Við höfum rætt við Rebekku og vonandi verður hægt að klára þær viðræður á næstu dögum,“ segir Jón.

Patreksfjörður og Bíldudalur eru stærstu þéttbýlisstaðirnir í Vesturbyggð.

Sveitarstjórnarkosningar 2022 Vesturbyggð

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.