Veiði

Ágætis byrjun í Elliðavatni

Karl Lúðvíksson skrifar
Urriði úr Elliðavatni. Mynd frá 2019
Urriði úr Elliðavatni. Mynd frá 2019 Mynd: Atli Bergman

Veiði hófst í Elliðavatni á sumardaginn fyrsta og það verður ekki annað sagt en að byrjunin hafi verið ein sú besta í langan tíma.

Það hafa oft verið mun kaldari von en þetta árið sem hefur gert það að verkum að veiði hafi verið lítil í vatninu en núna er annað upp á teningnum. Vorið núna hefur verið með ágætum og gert það að verkum að veiðin er mun betri en oft áður. Það er engu að síður frekar há vatnsstaða í vatninu enda var veturinn snjóþungur en þetta er bara jákvætt. Þegar það fer að sjatna og vatnið að hlýna fer flugnaklakið í gang og þá er gaman.

Veiðin hefur verið ágæt þessa fyrstu daga og margir veiðimenn verið að fá einn eða tvo fiska eftir heimsókn á bakkana. Inn á milli eru nokkuð vænir urriðar og er sá stærsti sem við vitum um hingað til sex punda urriði sem veiddist á spún við Þingnes á laugardaginn. Það er oft mesta fjölmennið við Helluvatn og Elliðavatnsbæinn en á þessum árstíma er veiðin oft líka góð við stífluna og Kríunes en það er mun minna sótt í að veiða þeim megin. Uppstaðan er sem fyrr urriði en bleikjan byrjar yfirleitt ekki að taka vel fyrr en flugan fer í gang.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.