Fótbolti

Albert og félagar unnu lífsnauðsynlegan sigur

Arnar Geir Halldórsson skrifar
Landsliðsmaðurinn Albert Guðmundsson er á mála hjá Genoa.
Landsliðsmaðurinn Albert Guðmundsson er á mála hjá Genoa. Alessandro Sabattini/Getty Images

Albert Guðmundsson og félagar í Genoa eygja þess enn von að halda sæti sínu í ítölsku úrvalsdeildinni eftir nauman sigur í dag.

Albert hóf leik á varamannabekknum þegar Genoa fékk Cagliari í heimsókn í fallbaráttuslag.

Leikurinn var markalaus þegar Alberti var skipt inná eftir klukkutíma leik en Genoa tókst að finna sigurmarkið áður en flautað var til leiksloka.

Það gerði Milan Badelj á 87.mínútu.

Nú munar aðeins þremur stigum á Genoa, í 19.sæti, og Cagliari sem er í 17.sæti en bæði lið eiga eftir að leika fjóra leiki. Á milli þeirra er Salernitana með jafnmörg stig og Genoa en hafa leikið einum leik minna.

Ítalski boltinn

Mest lesið


Fleiri fréttir

Sjá meira


×

Mest lesið