Mercedes-Benz keyrði Vision EQXX yfir 1000 km á einni hleðslu

Kristinn Ásgeir Gylfason skrifar 19. apríl 2022 07:01

Mercedes-Benz hefur nú ekið hugmyndabíl sínum, Vision EQXX yfir eitt þúsund kílómetra á einni hleðslu og átti bíllinn um 140 kílómetra eftir af drægni þegar 1000 kílómetra múrinn var rofinn.

Mercedes-Benz hefur haft það að markmiði að framleiða skilvirkasta rafbílinn og þann rafbíl sem hefur mesta drægni. Nýjasta tilraunin, MissionXX er hugsuð til þess að sanna að framleiðandinn geti smíðað stallbak með muni fara næstum tvisvar sinnum lengra en Tesla Model 3 í Long Range útgáfu á einni hleðslu með sömu stærð af rafhlöðu.

Myndband af YouTube-rásinni CarWow.

Mercedes hefur ekki látið uppi hversu stór rafhlaða er í Vision EQXX en hefur þó sagt að hann sé með um 100 kWh af nýtanlegri orku. Samkvæmt Mercedes var 1000 km múrinn rofinn í venjulegri umferð á hefðbundnum vegum.

Bíllinn var hannaður með skilvirkni í huga frá upphafi. Hann er talsvert betur hannaður með tilliti til loftflæðis en aðrir bílar á markaðnum í dag. Loftmóttstöðustuðull VisionEQXX er 0,17 sem er talsvert betra en það næst besta, sem eru Mercedes EQS og Tesla Model S sem eru með 0,20.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.