Viðskipti innlent

Bestu íslensku auglýsingar síðasta árs verðlaunaðar

Tinni Sveinsson skrifar
Jörundur Ragnarsson leikari brá sér í hlutverk Mark Zuckerberg í auglýsingu Íslandsstofu um Icelandverse.
Jörundur Ragnarsson leikari brá sér í hlutverk Mark Zuckerberg í auglýsingu Íslandsstofu um Icelandverse. Íslandsstofa

Icelandverse auglýsingin sem náði athygli Mark Zuckerberg, Atlantsolíu söngurinn sem erfitt er að fá ekki á heilann og jólaauglýsingin frá Icelandair um flugmanninn sem mokaði flugvélina út í New York eru meðal þeirra auglýsinga sem voru valdar þær bestu í sínum flokki.

Lúðurinn, ís­lensku aug­lýsinga­verð­launin, voru af­hent í 36. sinn við hátíðlega athöfn síðastliðið föstudagsvöld. Aug­lýsinga­stofan Branden­burg hlaut flesta lúðra á hátíðinni, alls fjóra, og er það fimmta árið í röð sem stofan er hlut­skörpust. 

Sam­tök ís­lensks aug­lýsinga­fólks, ÍMARK, standa fyr­ir verð­laun­a­af­hendingunni en sjá má öll verðlaun hér að neðan.

Stofurnar ánægðar

„Við erum virki­lega á­nægð með árangurinn. Við leggjum mikið upp úr árangurs­drifinni hug­mynda­vinnu og það er gaman að uppskera eftir því,” segir Sigríður Theódóra Pétursdóttir, framkvæmdastjóri Brandenburgar.

Næst í röðinni kom Kontor með þrjá lúðra og segir Sigrún Gylfadóttir, Creative Director og einn eigenda, það ánægjulegt fyrir litla stofu. „Við höfum mikinn metnað fyrir öllu því sem við gerum, allt frá hugmynd til herferðar. Við erum hrikalega kát að deila þessum árangri með okkar frábæru viðskiptavinum.“

Fjórar stofur hlutu tvo lúðra hver; Hvíta húsið, PIPAR\TBWA, Peel auglýsingastofa og Hér & Nú. Þá hlaut ný auglýsingastofa, Cirkus, hlaut sinn fyrsta Lúður á hátíðinni.

Hér & Nú hlutu að auki Áruna, verðlaun fyrir árangursríkustu markaðsherferð ársins, flokkahappdrætti Háskóla Íslands. „Árangur þess ótrúlegur. Það hafa ekki selst fleiri miðar í ríflega aldarfjórðung eða frá árinu 1995,“ segir Kristján Hjálmarsson, framkvæmdastjóri Hér & Nú. Stofan fékk allar tilnefningar í Áruna þetta árið eða þrjár talsins, þrátt fyrir fjölda innsendinga.

Hér að neðan má sjá þær auglýsingar sem fengu Lúður í mismunandi flokkum og hverjir stóðu að baki þeim.


Kvikmyndaðar auglýsingar

  • Jól - Við komum þér heim
  • Auglýsandi: Icelandair
  • Auglýsingastofa: Hvíta húsið

Útvarpsauglýsingar

  • Óþolandi ódýrt
  • Auglýsandi: Atlantsolía
  • Auglýsingastofa: Hér & Nú

Bein markaðssetning

  • Vörn gegn óþoli
  • Auglýsandi: Atlantsolía
  • Auglýsingastofa: Hér & Nú

Prentauglýsingar

  • Leggjum okkur jólapappír
  • Auglýsandi: KFC
  • Auglýsingastofa: Pipar\TBWA

Vef- og samfélagsmiðlar – myndbönd

  • Icelandverse
  • Auglýsandi: Íslandsstofa
  • Auglýsingastofa: Peel auglýsingastofa

PR

  • Icelandverse
  • Auglýsandi: Íslandsstofa
  • Auglýsingastofa: Peel auglýsingastofa

Vef- og samfélagsmiðlar – almennt

  • Íslenskan er hafsjór
  • Auglýsandi: Brim
  • Auglýsingastofa: Kontor Reykjavík

Stafrænar auglýsingar

  • Jólakveðja par Excelans 
  • Auglýsandi: KPMG
  • Auglýsingastofa: Cirkus

Umhverfisauglýsingar

  • ORA Jólabjór
  • Auglýsandi: ÍSAM
  • Auglýsingastofa: Pipar\TBWA

Veggspjöld og skilti

  • Verbúðin
  • Auglýsandi: Vesturport
  • Auglýsingastofa: Brandenburg

Viðburðir

  • Afmælislag Hörpu
  • Auglýsandi: Harpa 
  • Auglýsingastofa: Hvíta húsið

Mörkun - ásýnd vörumerkis

  • Skuggabaldur
  • Auglýsandi: Skuggabaldur
  • Auglýsingastofa: Brandenburg

Herferð

  • Það er kominn matur
  • Auglýsandi: Heimkaup
  • Auglýsingastofa: Brandenburg

Almannaheill - kvikmyndaðar auglýsingar

  • Verum til
  • Auglýsandi: Krabbameinsfélagið – Bleika slaufan
  • Auglýsingastofa: Kontor Reykjavík

Almannaheill – herferðir

  • Verum til
  • Auglýsandi: Krabbameinsfélagið – Bleika slaufan
  • Auglýsingastofa: Kontor Reykjavík

Almannaheill - opinn flokkur

  • Þitt nafn bjargar lífi
  • Auglýsandi: Amnesty
  • Auglýsingastofa: Brandenburg

ÁRA - árangursríkasta markaðsherferðin

  • Flokkahappdrætti HHÍ
  • Auglýsandi: Happdrætti Háskóla Íslands
  • Auglýsingastofa: Hér & Nú.




Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.