Viðskipti innlent

Kröfur upp á milljarð í þrota­bú Capi­tal Hotels

Bjarki Sigurðsson skrifar
Capital Inn við Suðurhlíð 35.
Capital Inn við Suðurhlíð 35. Já.is

Alls námu lýstar kröfur í þrotabú CapitalHotels ehf. rétt tæplega milljarði króna. Þetta kemur fram í Lögbirtingablaðinu en búið var tekið til gjaldþrotaskipta með úrskurði héraðsdóms Reykjavíkur þann 8. júlí árið 2020.

Greiðslur upp í veðkröfur voru tæplega hálfur milljarður en ekkert fékkst greitt upp í forgangskröfur og almennar kröfur. Skiptum á búinu var lokið þann 5. apríl síðastliðinn og var það Steinunn Guðbjartsdóttir sem var skiptastjóri.

Félagið rak meðal annars City Park Hotel við Ármúla 5, Capital Inn við Suðurhlíð 35 og stóð í viðræðum um að verða rekstraraðili Marriot hótels við Keflavíkurflugvöll.

Árni Valur Samúelsson, annar tveggja hluthafa í Capital Hotels, sagði í samtali við Fréttablaðið árið 2020 að Covid-19 faraldurinn hafi sett strik í reikninginn en nýting gistirýma í apríl 2020 var einungis 3,6%.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.