Arna Björg til Creditin­fo og Kári í nýtt starf

Í tilkynningu segir að Arna Björg komi til Creditinfo frá JS lögmönnum þar sem hún hafi starfað sem lögfræðingur.

„Áður starfaði Arna í tæp 10 ár hjá Valitor sem viðskiptastjóri. Arna er með grunn- og meistaragráðu í lögfræði frá Háskólanum í Reykjavík.

Kári kemur úr starfi viðskiptastjóra hjá Creditinfo sem hann hefur sinnt frá árinu 2017. Fram að því starfaði hann sem verkefnastjóri MBA-náms hjá Háskólanum í Reykjavík og þar áður sem aðstoðarritstjóri Viðskiptablaðsins. Kári er með B.Sc. gráðu í hagfræði og B.A. gráðu í listfræði frá Háskóla Íslands. Hann er einnig með M.A. gráðu í listviðskiptum frá Sotheby‘s Institute of Art,“ segir í tilkynningunni.

Upplýsinga- og þjónustufyrirtækið Cred­it­in­fo var stofnað í Reykja­vík árið 1997 og sér­hæf­ir sig í miðlun fjár­hags- og viðskipta­upp­lýs­inga og ráðgjöf tengdri áhættumati og áhættu­stýr­ingu fyr­ir­tækja.