Fótbolti

Fullyrðir að Börsungar séu búnir að ganga frá samningum við Christensen og Kessie

Hjörtur Leó Guðjónsson skrifar
Andreas Chirstensen er á leið til Barcelona á frjálsri sölu ef marka má Guillem Balague.
Andreas Chirstensen er á leið til Barcelona á frjálsri sölu ef marka má Guillem Balague. Rico Brouwer/Soccrates/Getty Images

Spænski fótboltablaðamaðurinn Guillem Balague fullyrðir að Andreas Christensen, varnamaður Chelsea, og Frank Kessie, miðjumaður AC Milan, muni ganga í raði Barcelona á frjálsri sölu í sumar.

Samningar beggja leikmanna renna út í júní og þeim verður því frjálst að yfirgefa félög sín eftir yfirstandandi leiktíð.

Joan Laporta, forseti Barcelona, hefur staðfest að félagið sé búið að ganga frá samningum við tvo leikmenn, en vildi ekki gefa upp hvaða leikmenn það væru.

„Við erum búnir að ganga frá samningum við tvo leikmenn fyrir næstu leiktíð,“ sagði Laporta í samtali við katalónsku útvarpsstöðina Rac1.

„Annar þeirra er miðjumaður og hinn er varnarmaður. En ég má ekki segja hverjir það eru,“ bætti hann við.

Ásamt Christensen og Kessie eru Börsungar einnig í viðræðum við fyrirliða Chelsea, varnarmanninn Cesar Azpilicueta.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.