Hans nýr sviðs­stjóri tækni­sviðs Isavia ANS

Í tilkynningu segir að Hans sé með B.Sc. gráðu í hugbúnaðarverkfræði frá IHK í Kaupmannahöfn og sé í MBA námi í Háskólanum í Reykjavík.

„Hans hefur starfað hjá Veitum frá árinu 2013 og sem forstöðumaður Kerfisþróunar og stýringar síðustu ár. Þar hefur hann borið ábyrgð á rekstri sviðsins, fjárhags- og fjárfestingaráætlunum og stefnumótun og framtíðarsýn.“

Isavia ANS ehf. er dótturfélag Isavia ohf. Isavia ANS annst rekstur og uppbyggingu flugleiðsöguþjónustu, þar með talda flugumferðarþjónustu, fjarskipta- og leiðsögukerfa og aðra skylda starfsemi. Félagið veitir íslenskum og erlendum loftförum flugleiðsöguþjónustu í íslenska flugstjórnarsvæðinu og á íslenskum flugvöllum.

Hjá Isavia ANS starfa um 270 manns og eru höfuðstöðvar félagsins við Reykjavíkurflugvöll.