Atvinnulíf

Algjör B manneskja en færir syninum þó morgunmat í rúmið þessa dagana

Rakel Sveinsdóttir skrifar
Elín Björk Jónasdóttir veðurfræðingur og kötturinn Blesi sem áður hefur ratað á síður fjölmiðla. Því Blesi stundar fjallgöngur og útivist af miklum móð með fjölskyldunni. Blesi ferðast þá um í bakpoka með hausinn upp úr og nýtur útsýnis og náttúru. Stundum röltir hann líka með.
Elín Björk Jónasdóttir veðurfræðingur og kötturinn Blesi sem áður hefur ratað á síður fjölmiðla. Því Blesi stundar fjallgöngur og útivist af miklum móð með fjölskyldunni. Blesi ferðast þá um í bakpoka með hausinn upp úr og nýtur útsýnis og náttúru. Stundum röltir hann líka með. Vísir/Vilhelm

Við höfum ósjaldan heyrt eða séð af henni í fréttum í vetur enda veðurviðvaranir sjaldan verið jafn tíðar.

Framundan hjá Elínu Björk Jónasdóttur veðurfræðings er að skrifa skýrslur um allt þetta rauða veður í vetur.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Ég er mikil B manneskja og vakna eins seint og ég kemst upp með, sem er í kringum hálf átta á virkum dögum, en nokkra daga í mánuði er ég á vöktum á Veðurstofunni og þarf þá að vakna 5:20 eða 6:20 eftir því hvort ég mæti klukkan sex eða sjö.“

Hvað er það fyrsta sem þú gerir á morgnana?

Vekja unglingana, og þessa dagana þarf að færa þeim yngri morgunmat í rúmið og hjálpa honum meira því hann er fótbrotinn með gifs upp í nára. 

Alla jafna fá þeir ekki svona þjónustu.“



Hvers vegna er Öskjuhlíðin í uppáhaldi hjá þér?

„Öskjuhlíðin er perla í miðri borginni. Ég er svo heppin að hún er í göngu og hjólaleiðinni minni til og frá vinnu svo ég fer þar um næstum því á hverjum virkum degi. Það er ótrúlega hreinsandi eftir erfiða vinnudaga að ganga heim um fallega skógarstíga og fá smá orkuskot frá náttúrunni.“

Framundan hjá Elínu er að skrifa skýrslur um rauðu veðrin í vetur en í vinnu skipuleggur Elín sig þannig að hún er með lista af verkefnum sem þarf að sinna í vikunni, fyrir mánaðarmót og síðan stærri verkefni. Oft riðlast dagskráin þegar bregðast þarf hratt við aðstæðum en Elín segir að oft sé hún ekkert afkastaminni þótt hún sé að vinna í skipulögðu kaosi.Vísir/Vilhelm

Í hvaða verkefni ertu að vinna helst í þessa dagana?

„Á Veðurstofunni eru mín helstu verkefni næstu vikur að rýna þær viðvaranir sem við gáfum út í vetur, skrifa skýrslur um „rauðu veðrin” og sinna þróun á viðvörunarkerfinu okkar, ásamt því að sinna daglegum rekstri veðurþjónustunnar bæði í Reykjavík og á Keflavíkurflugvelli. Ásamt því tek ég þátt í kosningabaráttu VG í borginni, en þar sit ég í þriðja sæti á lista fyrir borgarstjórnarkosningarnar í vor og hlakka mikið til.

Svo liggur líka fyrir að skrifa meistararitgerð í Alþjóðasamskiptum við HÍ, en það verkefni hefur vissulega fengið minni athygli í vetur en ég vonaðist til.“

Hvernig skipuleggur þú þig í vinnu?

Ég er með lista af verkefnum sem þarf að sinna í vikunni, fyrir mánaðamót og svo stærri verkefnum sem þarf að sinna, en mjög mikill tími fer í daglegan rekstur, að bregðast við ýmsu sem kemur upp og aðstoða vaktina ef þess þarf. 

Ég get verið mjög skipulögð og komið fjölmörgu í verk á stuttum tíma, en svo get ég vel unnið í skipulögðu kaosi og er oft ekkert afkastaminni í slíkum aðstæðum.“

Hvenær ferðu að sofa á kvöldin?

„Ég legg upp með að fara að koma mér í rúmið um klukkan ellefu en oftast dregst það til miðnættis.“


Tengdar fréttir

„Amma mín á Akureyri gerði heimsins bestu kjötsúpu“

Með tvö lítil börn er ekki laust við að bensínið sé búið um tíuleytið á kvöldin segir Salóme Guðmundsdóttir, stjórnarkona og sérfræðingur í nýsköpun sem um þessar mundir er í fæðingarorlofi.

Nemó finnst forstjóri Haga hlaupa heldur hægt

Það er enginn dagur eins í vinnunni segir Finnur Oddsson, forstjóri Haga. Finnur er af sumum kallaður íþróttaálfur en hundinum Nemó finnst morgunlaupið þó heldur hægt.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×