Heilsa

„Ef ég er í kvíðakasti þarf ég að þrífa allt heima“

Dóra Júlía Agnarsdóttir skrifar
Patrekur Jaime hefur slegið í gegn í raunveruleikaþáttunum Æði.
Patrekur Jaime hefur slegið í gegn í raunveruleikaþáttunum Æði. Ljósmyndari: Anna Margrét/Instagram @patrekurjaime

Patrekur Jaime Plaza skaust upp á íslenska stjörnuhimininn fyrir nokkrum árum síðan sem raunveruleikastjarna í þáttunum Æði. Það er nóg að gera hjá Patreki þessa dagana þar sem hann er í óða önn við að taka upp fjórðu seríu af Æði ásamt því að njóta þess að vera til. Patrekur Jaime er er viðmælandi vikunnar í Innblæstrinum.

Innblásturinn er fastur liður hjá Lífinu á Vísi þar sem rætt er við ólíkt fólk um hvað veitir því innblástur í tilverunni og hvaða ráðum þau luma á varðandi andlega heilsu.

Hver ert þú í þínum eigin orðum?

Ég er Patrekur Jaime, 21 árs strákur frá Akureyri. Ég er samkynhneigður strákur sem býr í Reykjavík og er að njóta lífsins. Ég er með þætti á Stöð 2 og er hamingjusamur og alltaf til í flippið! 

Hvað veitir þér innblástur?

Það er margt sem veitir mér innblástur. Ég fæ oft innblástur frá vinum mínum og fjölskyldu og þá sérstaklega Önnu frænku minni.

Anna frænka veitir mér innblástur því hún er ekki hrædd að kýla bara á hlutina og henni er alveg sama hvað fólk finnst um sig. Hún er líka með æði stíl og hefur meira segja stíliserað á mig nokkur outfit.

Unnusti minn gefur mer lika oft innblástur og svo nokkur fav celebs en það fer alveg eftir því hvernig innblæstri ég leita að hverju sinni.

Uppáhalds lag og af hverju?

Uppáhalds lag núna er Bow down með Ivorian doll. Ég bara elska hana og allt sem hún gerir, hún er alveg queen of UK drill.

Uppáhalds matur og af hverju?

Uppáhalds matur er svo erfið spurning. Ég elska mat en franskar eru bara eitthvað sem ég hef elskað frá barnæsku. 

Þær gefa mér bara góðar minningar þannig ég verð að segja franskar.

Hvað er þitt besta ráð til að næra andlega heilsu?

Ég held það sé bara hreyfing þó ég sé ekki nógu duglegur í því. 

Bara að fara smá út að labba og svoleiðis en ef ég er alveg í kvíðakasti þá þarf ég að þrífa allt heima og hlusta á tónlist.

Hvernig er hefðbundinn dagur í þínu lífi?

Ég er ekki með neinn hefðbundinn dag þeir eru eiginlega mjög mismunandi en ég vakna og fæ mer alltaf morgunmat. 

Það er bara ein regla sem ég er með því ef ég borða ekki morgunmat verð ég eitthvað svo óþægilegur í gegnum daginn

Hvað er það skemmtilegasta við lífið?

Ég held það sé bara minningar sem þú býrð til með vinum og fjölskyldu.


Tengdar fréttir

Fær drifkraft frá ömurlegum yfirlýsingum karlrembna

Þorsteinn V. Einarsson er kynjafræðingur sem hefur meðal annars vakið athygli fyrir samfélagsmiðilinn @karlmennskan sem hann heldur utan um. Í starfi sínu hefur Þorsteinn tekið viðtöl við fjölbreyttan hóp fólks um ýmis málefni og leggur upp úr mikilvægu samtali um femínisma, jafnrétti og ýmis samfélagsleg málefni. Þorsteinn er viðmælandi vikunnar í Innblæstrinum.

„Innblásturinn er alls staðar ef þú ert móttækilegur“

MMA bardagakappinn Gunnar Nelson er þekktur fyrir yfirvegað viðmót og mikla velgengni í sínu fagi. Gunnar er 33 ára gamall tveggja barna faðir og maki Fransisku Bjarkar Hinriksdóttur, sálfræðings. Gunnar hefur meðal annars gaman að því að læra nýja hluti og passar sig að hafa augun opin fyrir innblæstri úr ýmsum áttum. Hann er viðmælandi vikunnar í Innblæstrinum.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.