Ál- og gasverð í hæstu hæðum Eiður Þór Árnason og Samúel Karl Ólason skrifa 2. mars 2022 15:56 Hækkun álverðs á eftir að skila sér í hærri tekjum til Landsvirkjunar. Getty/Juan Silva Miklar hækkanir hafa orðið á eldsneytismörkuðum vegna innrásar Rússa í Úkraínu og refsiaðgerða gegn Rússlandi. Tunnan af hráolíu kostar nú meira en 110 Bandaríkjadali og hefur verð jarðgass hefur aldrei verið hærra í Evrópu. Þá hefur álverð aldrei verið hærra og nikkel ekki verið dýrara í ellefu ár. Rússar eru umsvifamiklir þegar kemur að framleiðslu beggja málma. Samkvæmt frétt CNN hefur jarðgas hækkað um sextíu prósent í dag og hefur verðið meira en tvöfaldast frá því á föstudaginn. Refsiaðgerðum hefur enn ekki verið beitt gegn olíu- og gasframleiðslu í Rússlandi en þrátt fyrir það virðast fáir vilja kaupa olíu af Rússum þessa dagana. Tunnan frá Rússlandi hefur kostað um 18 dali í dag. Setja ný framleiðsluviðmið í dag Yfirvöld í Bandaríkjunum og mörgum öðrum ríkjum hafa ákveðið að skrúfa frá krönunum á neyðarbirgðum þeirra og setja um 60 milljónir tunna á markaðinn til að reyna að draga úr verðhækkunum. Forsvarsmenn olíuframleiðsluríkja munu koma saman á fundi í dag og setja ný framleiðsluviðmið varðandi olíu. Áköll eftir því að yfirvöld Sádi-Arabíu og hin olíuframleiðendaríkin beiti sér til að draga úr verði og styðji Úkraínu hafa orðið háværari. CNBC hefur þó eftir greinendum að fastlega sé búist við því að olíuframleiðendur muni fylgja áður mótaðri áætlun og hækka framleiðsluna um 400 þúsund tunnur á dag. „Sádarnir hafa algerlega getu til að draga úr þessum hækkunum,“ sagði einn sérfræðingur við CNBC. „Þeir geta auðveldlega aukið framleiðslu þeirra um eina til tvær milljónir tunna á dag eins og hendi væri veifað.“ Innrás Rússa inn í Úkraínu hefur haft mikil áhrif á alþjóðamarkaði.Getty/Future Publishing Álverð komið í 3.590,50 Bandaríkjadali Mikil hreyfing hefur verið á hrávörumörkuðum í kjölfar innrásar Rússa inn í Úkraínu samhliða því að stórfyrirtæki minnka viðskipti sín í Rússlandi, lánveitendur draga sig úr fjármögnunarsamningum og ótti við enn hertari efnahagsþvinganir hræðir mögulega kaupendur. Þá er orðið sífellt erfiðara að flytja hrávörur á borð við málma frá landinu en miðað við yfirlýsingar flutningafyrirtækja munu nærri helmingi færri flutningaskip fara til og frá Rússlandi vegna stríðsrekstursins. Bloomberg greinir frá því að birgðastaða málma á borð við ál hafi verið orðin slæm fyrir innrásina og sé nú komin niður fyrir hættumörk. Þetta sýna tölur London Metal Exchange (LME). Á sama tíma hafi orkuhækkanir leitt til þess að álver hafa víða dregið úr framleiðslu sinni. Verðþróun áls frá því í nóvember. Verð er í Bandaríkjadölum á tonnið. Álverð hefur nú náð 3.590,50 Bandaríkjadölum á tonnið í LME og kopar hefur jafnframt hækkað um 2,3%. Rússneska fyrirtækið United Co. Rusal International PJSC er stærsti álframleiðandi utan Kína og MMC Norilsk Nickel PJSC ber ábyrg á um 10% heimsframleiðslunnar á hreinu nikkeli. Að sögn Bloomberg hafa ekki orðið miklar truflanir á sendingum Norilsk Nickel, þrátt fyrir gámaskort og að sumir flutningsaðilar hafi neitað að flytja vörur fyrirtækisins. Þó geti flutningsstöðvun stórra gámaflutningafyrirtækja á borð við Maersk skert útflutning Rússa á áli. Mikilvægar flutningsleiðir frá Pétursborg í Rússlandi til evrópskra stórskipahafna á borð við Rotterdam og Vlissingen geti verið í hættu. Bensín og olía Orkumál Stóriðja Rússland Innrás Rússa í Úkraínu Verðlag Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Netflix, Stöð2+, Prime og Disney greiði til menningar Viðskipti innlent Eignast Securitas að fullu Viðskipti innlent Segja markaðstorg blóðmjólka fyrirtæki Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Base parking gjaldþrota Viðskipti innlent Starfsfólk fær 150 milljónir í hlutabréfum Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Þá hefur álverð aldrei verið hærra og nikkel ekki verið dýrara í ellefu ár. Rússar eru umsvifamiklir þegar kemur að framleiðslu beggja málma. Samkvæmt frétt CNN hefur jarðgas hækkað um sextíu prósent í dag og hefur verðið meira en tvöfaldast frá því á föstudaginn. Refsiaðgerðum hefur enn ekki verið beitt gegn olíu- og gasframleiðslu í Rússlandi en þrátt fyrir það virðast fáir vilja kaupa olíu af Rússum þessa dagana. Tunnan frá Rússlandi hefur kostað um 18 dali í dag. Setja ný framleiðsluviðmið í dag Yfirvöld í Bandaríkjunum og mörgum öðrum ríkjum hafa ákveðið að skrúfa frá krönunum á neyðarbirgðum þeirra og setja um 60 milljónir tunna á markaðinn til að reyna að draga úr verðhækkunum. Forsvarsmenn olíuframleiðsluríkja munu koma saman á fundi í dag og setja ný framleiðsluviðmið varðandi olíu. Áköll eftir því að yfirvöld Sádi-Arabíu og hin olíuframleiðendaríkin beiti sér til að draga úr verði og styðji Úkraínu hafa orðið háværari. CNBC hefur þó eftir greinendum að fastlega sé búist við því að olíuframleiðendur muni fylgja áður mótaðri áætlun og hækka framleiðsluna um 400 þúsund tunnur á dag. „Sádarnir hafa algerlega getu til að draga úr þessum hækkunum,“ sagði einn sérfræðingur við CNBC. „Þeir geta auðveldlega aukið framleiðslu þeirra um eina til tvær milljónir tunna á dag eins og hendi væri veifað.“ Innrás Rússa inn í Úkraínu hefur haft mikil áhrif á alþjóðamarkaði.Getty/Future Publishing Álverð komið í 3.590,50 Bandaríkjadali Mikil hreyfing hefur verið á hrávörumörkuðum í kjölfar innrásar Rússa inn í Úkraínu samhliða því að stórfyrirtæki minnka viðskipti sín í Rússlandi, lánveitendur draga sig úr fjármögnunarsamningum og ótti við enn hertari efnahagsþvinganir hræðir mögulega kaupendur. Þá er orðið sífellt erfiðara að flytja hrávörur á borð við málma frá landinu en miðað við yfirlýsingar flutningafyrirtækja munu nærri helmingi færri flutningaskip fara til og frá Rússlandi vegna stríðsrekstursins. Bloomberg greinir frá því að birgðastaða málma á borð við ál hafi verið orðin slæm fyrir innrásina og sé nú komin niður fyrir hættumörk. Þetta sýna tölur London Metal Exchange (LME). Á sama tíma hafi orkuhækkanir leitt til þess að álver hafa víða dregið úr framleiðslu sinni. Verðþróun áls frá því í nóvember. Verð er í Bandaríkjadölum á tonnið. Álverð hefur nú náð 3.590,50 Bandaríkjadölum á tonnið í LME og kopar hefur jafnframt hækkað um 2,3%. Rússneska fyrirtækið United Co. Rusal International PJSC er stærsti álframleiðandi utan Kína og MMC Norilsk Nickel PJSC ber ábyrg á um 10% heimsframleiðslunnar á hreinu nikkeli. Að sögn Bloomberg hafa ekki orðið miklar truflanir á sendingum Norilsk Nickel, þrátt fyrir gámaskort og að sumir flutningsaðilar hafi neitað að flytja vörur fyrirtækisins. Þó geti flutningsstöðvun stórra gámaflutningafyrirtækja á borð við Maersk skert útflutning Rússa á áli. Mikilvægar flutningsleiðir frá Pétursborg í Rússlandi til evrópskra stórskipahafna á borð við Rotterdam og Vlissingen geti verið í hættu.
Bensín og olía Orkumál Stóriðja Rússland Innrás Rússa í Úkraínu Verðlag Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Netflix, Stöð2+, Prime og Disney greiði til menningar Viðskipti innlent Eignast Securitas að fullu Viðskipti innlent Segja markaðstorg blóðmjólka fyrirtæki Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Base parking gjaldþrota Viðskipti innlent Starfsfólk fær 150 milljónir í hlutabréfum Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira