Lygilega flókin svikamylla féll saman þegar starfsmaður leitaði að heimilisfangi fyrirtækisins Tryggvi Páll Tryggvason skrifar 21. febrúar 2022 14:43 Fyrirtækið sagðist vera staðsett í London Getty Svo virðist sem að fjöldi starfsmanna bresks hönnunarfyrirtækis sitji uppi með sárt ennið. Útlit er fyrir að tilvist fyrirtækisins hafi verið ein risastór og flókin svikamylla, runnin undan rifjum manns að nafni Ali Ayad. Hann virðist hafa gengið mjög langt í að viðhalda ásýnd fyrirtækins. Breska ríkisútvarpið hefur birt viðamikla umfjöllun um fyrirtækið, sem ber nafnið Madbird. Umfjöllunin er afrakstur mikillar rannsóknarvinnu blaðamanna BBC þar sem rætt er við fjölda fyrrverandi starfsmanna fyrirtækisins, og Ayad sjálfan. Í umfjöllun BBC kemur fram að Madbird hafi ráðið yfir fimmtíu starfsmenn árið 2020 og 2021. Flestir þeirra voru fegnir því að fá vinnu, enda Covid-19 faraldurinn í hámarki með tilheyrandi samkomutakmörkunum og efnahagsþrengingum. Hefði líklega ekki geta átt sér stað án Covid-19 Covid-19 virðist hafa verið lykillinn að svikamyllu Ayad, því að starfsmennirnir unnu allir heima hjá sér vegna Covid-19. Annað hefði ekki verið hægt því að Madbird var í raun ekki með eiginlega skrifstofu, þrátt fyrir að Ayad hafi sagt starfsmönnum frá því að skrifstofuhúsnæði fyrirtækisins væri hið glæsilegasta. Raunar virðist tilviljun hafa ráðið því að svikamyllan komst upp. Það var ekki fyrr en starfsmaður að nafni Gemma Brett varð forvitin um það hvaða leið hún ætti að fara í vinnunna þegar sá tími kæmi að starfsmenn þyrftu ekki lengur að vinna heima vegna Covid-19. Uppgötvaði hún að fyrirtækið væri skráð til húsa í íbúðahverfi í London. Efasemdir vöknuðu og í samvinnu við annan starfsmann, Antoniu Stuart, uppgötvuðu þær smám saman að tilvist fyrirtækisins væri byggð á nánast engu. Komust þær að því að nær öll vinna sem Ayad hafði sagt að væri verk Madbird hafi verið stolin af öðrum, og að sumir samstarfsfélagar þeirra sem þær höfðu átt í netsamskiptum við væru í raun ekki til. Notuðu mynd af tékkneskum býflugnabónda Þannig var Dave Stanfield, maðurinn sem Ayad sagði að væri framkvæmdastjóri fyrirtæksins, ekki raunverulega til. Mynd sem starfsmenn höfðu séð af honum var raunverulega af manni að nafni Michal Kalis, tékkneskum býflugnabónda, sem tengist fyrirtækinu ekki að neinu leyti. Minnst sex af þeim yfirmönnum fyrirtækisins sem höfðu rætt við starfsmennina voru í raun ekki til samkvæmt umfjöllun BBC. Þeir sem voru ráðnir höfði skrifað undir samning um að þeir myndu einungis fá greidd sölulaun fyrstu sex mánuðina, sem yrðu greidd þegar skrifað var undir samninga sem þeir hefðu aflað. Eftir sex mánuði myndu þau fá greidd grunnlaun. Enginn samningur var hins vegar undirritaður. Enginn starfsmaður fékk greidd laun. Ekki liggur fyrir hvað hafi vakað fyrir Ayad Ekki liggur ljóst fyrir hvað hafi vakað fyrir Ayad þegar hann stofnaði fyrirtækið eða réði til sín starfsmenn. Skömmu eftir að starfsmennirnir komust að hinu sanna um fyrirtækið lét hann sig hverfa og hætti að svara símtölum eða tölvupóstum. Í umfjöllun BBC segir að tilgáturnar séu tvær. Þetta hafi verið alvöru tilraun til að stofna fyrirtæki sem hafi gengið of langt, eða að Ayad hafi fengið eitthvað út úr því að þykjast vera yfirmaður. Blaðamenn BBC náðu reyndar tali af Ayad í London eftir að hann hafði ítrekað lofað þeim viðtali vegna málsins. Myndband af því má sjá hér að neðan en fátt var um svör hjá Ayad þegar blaðamenn spurðu hann spurninga um málið. Bretland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Há laun og dýr bjór séu vandamál ÁTVR Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Base parking gjaldþrota Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Breska ríkisútvarpið hefur birt viðamikla umfjöllun um fyrirtækið, sem ber nafnið Madbird. Umfjöllunin er afrakstur mikillar rannsóknarvinnu blaðamanna BBC þar sem rætt er við fjölda fyrrverandi starfsmanna fyrirtækisins, og Ayad sjálfan. Í umfjöllun BBC kemur fram að Madbird hafi ráðið yfir fimmtíu starfsmenn árið 2020 og 2021. Flestir þeirra voru fegnir því að fá vinnu, enda Covid-19 faraldurinn í hámarki með tilheyrandi samkomutakmörkunum og efnahagsþrengingum. Hefði líklega ekki geta átt sér stað án Covid-19 Covid-19 virðist hafa verið lykillinn að svikamyllu Ayad, því að starfsmennirnir unnu allir heima hjá sér vegna Covid-19. Annað hefði ekki verið hægt því að Madbird var í raun ekki með eiginlega skrifstofu, þrátt fyrir að Ayad hafi sagt starfsmönnum frá því að skrifstofuhúsnæði fyrirtækisins væri hið glæsilegasta. Raunar virðist tilviljun hafa ráðið því að svikamyllan komst upp. Það var ekki fyrr en starfsmaður að nafni Gemma Brett varð forvitin um það hvaða leið hún ætti að fara í vinnunna þegar sá tími kæmi að starfsmenn þyrftu ekki lengur að vinna heima vegna Covid-19. Uppgötvaði hún að fyrirtækið væri skráð til húsa í íbúðahverfi í London. Efasemdir vöknuðu og í samvinnu við annan starfsmann, Antoniu Stuart, uppgötvuðu þær smám saman að tilvist fyrirtækisins væri byggð á nánast engu. Komust þær að því að nær öll vinna sem Ayad hafði sagt að væri verk Madbird hafi verið stolin af öðrum, og að sumir samstarfsfélagar þeirra sem þær höfðu átt í netsamskiptum við væru í raun ekki til. Notuðu mynd af tékkneskum býflugnabónda Þannig var Dave Stanfield, maðurinn sem Ayad sagði að væri framkvæmdastjóri fyrirtæksins, ekki raunverulega til. Mynd sem starfsmenn höfðu séð af honum var raunverulega af manni að nafni Michal Kalis, tékkneskum býflugnabónda, sem tengist fyrirtækinu ekki að neinu leyti. Minnst sex af þeim yfirmönnum fyrirtækisins sem höfðu rætt við starfsmennina voru í raun ekki til samkvæmt umfjöllun BBC. Þeir sem voru ráðnir höfði skrifað undir samning um að þeir myndu einungis fá greidd sölulaun fyrstu sex mánuðina, sem yrðu greidd þegar skrifað var undir samninga sem þeir hefðu aflað. Eftir sex mánuði myndu þau fá greidd grunnlaun. Enginn samningur var hins vegar undirritaður. Enginn starfsmaður fékk greidd laun. Ekki liggur fyrir hvað hafi vakað fyrir Ayad Ekki liggur ljóst fyrir hvað hafi vakað fyrir Ayad þegar hann stofnaði fyrirtækið eða réði til sín starfsmenn. Skömmu eftir að starfsmennirnir komust að hinu sanna um fyrirtækið lét hann sig hverfa og hætti að svara símtölum eða tölvupóstum. Í umfjöllun BBC segir að tilgáturnar séu tvær. Þetta hafi verið alvöru tilraun til að stofna fyrirtæki sem hafi gengið of langt, eða að Ayad hafi fengið eitthvað út úr því að þykjast vera yfirmaður. Blaðamenn BBC náðu reyndar tali af Ayad í London eftir að hann hafði ítrekað lofað þeim viðtali vegna málsins. Myndband af því má sjá hér að neðan en fátt var um svör hjá Ayad þegar blaðamenn spurðu hann spurninga um málið.
Bretland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Há laun og dýr bjór séu vandamál ÁTVR Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Base parking gjaldþrota Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira