Innlent

Sagt upp hjá PLAY vegna gruns um ofbeldi

Kolbeinn Tumi Daðason skrifar
Tekið var á málinu á skrifstofu Play í vikunni.
Tekið var á málinu á skrifstofu Play í vikunni. Vísir/Vilhelm

Millistjórnanda hjá flugfélaginu PLAY hefur verið sagt upp störfum í kjölfar atviks á skemmtistað í miðbæ Reykjavíkur um síðustu helgi. Millistjórnandinn er samkvæmt heimildum fréttastofu grunaður um ofbeldi gagnvart samstarfsmanni, flugliða hjá félaginu.

Samkvæmt heimildum fréttastofu hafði hópur starfsmanna mælt sér mót að loknum vinnudegi. Þegar leið á kvöldið hafi meint ofbeldi millistjórnandans gagnvart flugliðanum átt sér stað.

Heimildir fréttastofu herma að tekið hafi verið á málinu á skrifstofu PLAY í vikunni sem lauk með þeim hætti að millistjórandanum var sagt upp störfum. 

Nadine Guðrún Yaghi, samskiptastjóri PLAY, segist í samtali við fréttastofu ekki geta tjáð sig um persónuleg málefni einstakra starfsmanna. 

Fréttastofa hefur ekki upplýsingar um hvort málið hafi verið kært til lögreglu.

Kynferðisofbeldi Play Reykjavík Næturlíf
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið