Sýn hagnaðist um tvo milljarða á seinasta ári Eiður Þór Árnason skrifar 16. febrúar 2022 17:41 Höfuðstöðvar Sýnar við Suðurlandsbraut 8 og 10. Vísir/Vilhelm Fjarskipta- og fjölmiðlafyrirtækið Sýn hf. hagnaðist um 2,10 milljarða króna á seinasta ári samanborið við 405 milljóna króna tap árið 2020. Innifalið í hagnaði ársins 2021 er hagnaður af sölu óvirkra innviða en bókfærður söluhagnaður að frádregnum kostnaði við söluna var 2,55 milljarðar króna. Tekjur Sýnar af reglulegri starfsemi á seinasta ári námu 21,77 milljörðum króna og hækkuðu um 821 milljónir milli ára, eða um 3,9%. Þetta kemur fram í ársreikningi samstæðu Sýnar hf. sem samþykktur var á stjórnarfundi í dag. Spá félagsins fyrir árið 2022 gerir ráð fyrir tekjuvexti umfram hækkun verðlags ásamt góðum vexti í nýlegum tekjustoðum. Þá er gert ráð fyrir að neikvæð áhrif heimsfaraldurs fara minnkandi og reikitekjur taki við sér. Söluandvirði óvirkra farsímainnviða nam 6,95 milljarða króna á árinu. Bókfært verð eignanna sem voru seldar var 401 milljón króna og söluhagnaður rúmir 6,5 milljarðar króna. Samhliða sölunni til Digital Bridge Group Inc. var gerður langtíma leigusamningur við sjóðinn um notkun á innviðunum. Fram kemur í tilkynningu frá Sýn að hluta af söluhagnaði sé frestað í samræmi við reikningsskilastaðla. EBITDA leiðrétt fyrir áhrifum innviðasölu nam 6,43 milljörðum króna og hækkaði um 693 milljónir miðað við árið 2020. Aðlagað EBITDA hlutfall var 29,6% árið 2021 samanborið við 27,4% árið 2020. Handbært fé frá rekstri á árinu 2021 nam 5,02 milljörðum króna samanborið við 5,91 milljarða króna árið 2020, sem er lækkun um 15%. Eiginfjárhlutfall félagsins var 28,9% í lok ársins 2021. Snúið tapi í hagnað Heiðar Guðjónsson, forstjóri Sýnar, segir að mikill árangur hafi náðst við að einfalda og rétta af rekstur fyrirtækisins síðustu ár. „Okkur hefur tekist að snúa við taprekstri upp á um 100 milljónir á mánuði yfir í hagnað upp á sambærilega fjárhæð. Á sama tíma hefur okkur tekist að snúa algerlega við efnahag fyrirtækisins, greiða niður skuldir uppá fjóra milljarða og mynda söluhagnað uppá sex og hálfan milljarð. Þetta tvennt náðum við að gera í miðjum heimsfaraldri þar sem reikitekjur og auglýsingatekjur hrundu og lækkun krónunnar hækkaði innkaup fyrirtækisins umtalsvert. Þar að auki höfum við endursamið við alla okkar birgja til að auka sveigjanleika í rekstrinum. Stærsti áfanginn í þeirri vegferð var þó óumdeilanlega sala óvirkra innviða úr farsímakerfinu sem gekk í gegn þann 14. desember síðastliðinn og hyggjum við á enn frekari sölu innviða á næstu misserum í takt við stefnumótun okkar,“ segir Heiðar í tilkynningu. Heiðar Guðjónsson er forstjóri Sýnar.Vísir/Vilhelm Hann bætir við að leitast hafi verið við að breyta stórum hluta kostnaðar fyrirtækisins í breytilegan kostnað til þess að draga úr áhættu og auka arðbærni. Einnig hafi nýjar tekjustoðir verið kynntar til leiks sem eigi að styrkja reksturinn frekar. Þeirra á meðal sé nýr hlaðvarpsheimur, væntanlegur greiðsluveggur fyrir framan efni Innherja á Vísi og færsluhirðing fyrir fyrirtæki. Útlit fyrir að hlutanetið haldi áfram að vaxa „Framtíð fjarskipta snýr í minna mæli að neytandanum og alltaf í meira mæli að tækjum, þar sem mannshöndin kemur hvergi nærri en tækjatengingar af þessu tagi eru kallaðar hlutanetið (e. IoT). Við höfum algera yfirburði á Íslandi í slíkum tengingum. Í raun erum við einsdæmi í heiminum með þrisvar sinnum fleiri hlutanetskort en íbúafjölda. Við sjáum ekkert annað en áframhaldandi vöxt á þessu sviði. Við höfum farið varlega í uppbyggingu á 5G til neytenda út af seinagangi löggjafans um að klára fjarskiptalagafrumvarp sem hefur tafist í yfir tvö ár. Uppbygging á fjarskiptakerfum varðandi hlutanetið hefur aftur á móti verið mjög hröð,“ segir Heiðar. „Framtíð fjölmiðla er spennandi. Við höfum gert stefnumarkandi breytingar á Stöð 2 þar sem efnisveitan er sett í fyrirrúm, íslenskt efni og afhending fram hjá myndlyklum. Við teljum okkur eiga mikinn fjölda áskrifenda inni með þessari nálgun. Á sama hátt erum við að endurskoða dreifingu útvarps með nýju appi og aukum vægi hlaðvarpa en skilin á milli hljóðbóka, hlaðvarps og útvarps verða æ minni með hverju misserinu sem líður. Ánægja viðskiptavina hefur aldrei mælst meiri í sögu fyrirtækisins sem og ánægja starfsmanna. Við höfum í sameiningu gert gott fyrirtæki enn betra,“ segir forstjórinn að lokum í tilkynningu frá samstæðunni. Vísir er í eigu Sýnar hf. Fjarskipti Fjölmiðlar Mest lesið „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Aka um Ísland í allt sumar og mynda vegakerfið í þrívídd Viðskipti innlent Jakob Valgeir lét Guðbjart bróður sinn fara Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Ráðinn markaðsstjóri Bónuss Viðskipti innlent Úthluta eftirstandandi hlutum í Íslandsbanka Viðskipti innlent Birta nýja ákvörðun um stýrivexti í dag Viðskipti innlent Fleiri fréttir Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Selja allan eignarhlut ríkisins í Íslandsbanka Sjá meira
Tekjur Sýnar af reglulegri starfsemi á seinasta ári námu 21,77 milljörðum króna og hækkuðu um 821 milljónir milli ára, eða um 3,9%. Þetta kemur fram í ársreikningi samstæðu Sýnar hf. sem samþykktur var á stjórnarfundi í dag. Spá félagsins fyrir árið 2022 gerir ráð fyrir tekjuvexti umfram hækkun verðlags ásamt góðum vexti í nýlegum tekjustoðum. Þá er gert ráð fyrir að neikvæð áhrif heimsfaraldurs fara minnkandi og reikitekjur taki við sér. Söluandvirði óvirkra farsímainnviða nam 6,95 milljarða króna á árinu. Bókfært verð eignanna sem voru seldar var 401 milljón króna og söluhagnaður rúmir 6,5 milljarðar króna. Samhliða sölunni til Digital Bridge Group Inc. var gerður langtíma leigusamningur við sjóðinn um notkun á innviðunum. Fram kemur í tilkynningu frá Sýn að hluta af söluhagnaði sé frestað í samræmi við reikningsskilastaðla. EBITDA leiðrétt fyrir áhrifum innviðasölu nam 6,43 milljörðum króna og hækkaði um 693 milljónir miðað við árið 2020. Aðlagað EBITDA hlutfall var 29,6% árið 2021 samanborið við 27,4% árið 2020. Handbært fé frá rekstri á árinu 2021 nam 5,02 milljörðum króna samanborið við 5,91 milljarða króna árið 2020, sem er lækkun um 15%. Eiginfjárhlutfall félagsins var 28,9% í lok ársins 2021. Snúið tapi í hagnað Heiðar Guðjónsson, forstjóri Sýnar, segir að mikill árangur hafi náðst við að einfalda og rétta af rekstur fyrirtækisins síðustu ár. „Okkur hefur tekist að snúa við taprekstri upp á um 100 milljónir á mánuði yfir í hagnað upp á sambærilega fjárhæð. Á sama tíma hefur okkur tekist að snúa algerlega við efnahag fyrirtækisins, greiða niður skuldir uppá fjóra milljarða og mynda söluhagnað uppá sex og hálfan milljarð. Þetta tvennt náðum við að gera í miðjum heimsfaraldri þar sem reikitekjur og auglýsingatekjur hrundu og lækkun krónunnar hækkaði innkaup fyrirtækisins umtalsvert. Þar að auki höfum við endursamið við alla okkar birgja til að auka sveigjanleika í rekstrinum. Stærsti áfanginn í þeirri vegferð var þó óumdeilanlega sala óvirkra innviða úr farsímakerfinu sem gekk í gegn þann 14. desember síðastliðinn og hyggjum við á enn frekari sölu innviða á næstu misserum í takt við stefnumótun okkar,“ segir Heiðar í tilkynningu. Heiðar Guðjónsson er forstjóri Sýnar.Vísir/Vilhelm Hann bætir við að leitast hafi verið við að breyta stórum hluta kostnaðar fyrirtækisins í breytilegan kostnað til þess að draga úr áhættu og auka arðbærni. Einnig hafi nýjar tekjustoðir verið kynntar til leiks sem eigi að styrkja reksturinn frekar. Þeirra á meðal sé nýr hlaðvarpsheimur, væntanlegur greiðsluveggur fyrir framan efni Innherja á Vísi og færsluhirðing fyrir fyrirtæki. Útlit fyrir að hlutanetið haldi áfram að vaxa „Framtíð fjarskipta snýr í minna mæli að neytandanum og alltaf í meira mæli að tækjum, þar sem mannshöndin kemur hvergi nærri en tækjatengingar af þessu tagi eru kallaðar hlutanetið (e. IoT). Við höfum algera yfirburði á Íslandi í slíkum tengingum. Í raun erum við einsdæmi í heiminum með þrisvar sinnum fleiri hlutanetskort en íbúafjölda. Við sjáum ekkert annað en áframhaldandi vöxt á þessu sviði. Við höfum farið varlega í uppbyggingu á 5G til neytenda út af seinagangi löggjafans um að klára fjarskiptalagafrumvarp sem hefur tafist í yfir tvö ár. Uppbygging á fjarskiptakerfum varðandi hlutanetið hefur aftur á móti verið mjög hröð,“ segir Heiðar. „Framtíð fjölmiðla er spennandi. Við höfum gert stefnumarkandi breytingar á Stöð 2 þar sem efnisveitan er sett í fyrirrúm, íslenskt efni og afhending fram hjá myndlyklum. Við teljum okkur eiga mikinn fjölda áskrifenda inni með þessari nálgun. Á sama hátt erum við að endurskoða dreifingu útvarps með nýju appi og aukum vægi hlaðvarpa en skilin á milli hljóðbóka, hlaðvarps og útvarps verða æ minni með hverju misserinu sem líður. Ánægja viðskiptavina hefur aldrei mælst meiri í sögu fyrirtækisins sem og ánægja starfsmanna. Við höfum í sameiningu gert gott fyrirtæki enn betra,“ segir forstjórinn að lokum í tilkynningu frá samstæðunni. Vísir er í eigu Sýnar hf.
Fjarskipti Fjölmiðlar Mest lesið „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Aka um Ísland í allt sumar og mynda vegakerfið í þrívídd Viðskipti innlent Jakob Valgeir lét Guðbjart bróður sinn fara Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Ráðinn markaðsstjóri Bónuss Viðskipti innlent Úthluta eftirstandandi hlutum í Íslandsbanka Viðskipti innlent Birta nýja ákvörðun um stýrivexti í dag Viðskipti innlent Fleiri fréttir Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Selja allan eignarhlut ríkisins í Íslandsbanka Sjá meira