Viðskipti innlent

Milljón horft á vél Icelandair lenda á Suður­skauts­landinu

Tryggvi Páll Tryggvason skrifar
Vél Icelandair lendir á Troll-flugvellinum á Suðurskautslandinu.
Vél Icelandair lendir á Troll-flugvellinum á Suðurskautslandinu. Skjáskot

Rétt tæplega milljón manns hafa horft á myndband á Youtube sem sýnir lendingu og flugtak Boeing 767 flugvélar Icelandair á Suðurskautslandinu frá ýmsum hliðum.

Myndbandið var birt fyrr í mánuðinum á Youtube-rásinni Extreme Aviation Iceland. Þar má sjá Boeing-vél Icelandair lenda á Troll-vellinum á Suðurskautslandinu en Loftleiðir Icelandic, dótturfélag Icelandair, sinnir nú verkefnum á Suðurskautslandinu.

Í myndbandinu má sjá flugvélina lenda á ísi lagðri flugbrautinni auk aðflugsins að flugbrautinni. 

Myndbandið er klippt saman úr nokkrum myndbrotum, sem sýna bæði sjónarhornið úr stjórnklefa flugvélarinnar og sjónarhorn þeirra sem fylgdust með. Einnig má sjá Boeing-vélina taka af stað og hefja sig til lofts.

Það eru aðallega vísindamenn og göngumenn sem nýta sér flug Loftleiða Icelandic til Suðurskautslandsins. Félagið hefur um nokkurra ára skeið sinnt flugi til Suðurskautslandsins en íslenskir flugmenn fljúga vélum félagsins.

Icelandair Fréttir af flugi Suðurskautslandið

Tengdar fréttir

Flug­ferð til Suður­skautsins gekk vonum framar

Flugvél Icelandair sem flaug til Suðurskautslandsins fyrir helgi til að sækja norskt vísindafólk á vegum Norsku heimskautsstofnunarinnar. Ferðin tók fimm daga og gekk hún vonum framar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið