Innlent

Þrír drengir fluttir á Landspítala eftir flugeldaslys

Hólmfríður Gísladóttir skrifar
Drengirnir héldu á flugeldum þegar þeir sprungu, að því er fram kemur í tilkynningu frá lögreglu.
Drengirnir héldu á flugeldum þegar þeir sprungu, að því er fram kemur í tilkynningu frá lögreglu.

Þrír drengir voru fluttir með sjúkrabifreiðum á Landspítalann um klukkan 18 í gærkvöldi eftir að flugeldar sprungu í höndum þeirra. Voru þeir með áverka á höndum, í andliti, á augum og við eyrun.

Samkvæmt tilkynningu lögreglu var einn þeirra eða fleiri með skerta heyrn eftir slysið.

Atvikið átti sér stað í Seljahverfi og var haft samband við foreldra drengjanna, sem allir eru 14 ára gamlir. Var þeim stefnt á Landspítalann. 

Það fylgir ekki sögunni hvort drengirnir voru útskrifaðir eftir að þeir fengu aðhlynningu eða hvort þeir voru lagðir inn.

Lögreglumál Flugeldar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið