Sjóvá riftir samningi við FÍB Kristinn Ásgeir Gylfason skrifar 23. janúar 2022 07:00 Runólfur Ólafsson, framkvæmdastjóri FÍB. Vísir Samkvæmt frétt á heimasíðu Félags íslenskra bifreiðaeigenda (FÍB) frá því á föstudag hefur tryggingafélagið Sjóvá rift samningi sínum við FÍB. Í fréttinni er talað um að riftunin komi einungis „nokkrum vikum eftir að FÍB gagnrýndi tryggingafélagið fyrir milljarða króna greiðslur til hluthafa.“ Samningur um að FÍB-aðstoð annist Vegaaðstoð Sjóvár hefur verið í gildi síðan 2007. Samkvæmt fréttinni á vef FÍB hafa engar skýringar borist vegna fyrirvaralausrar uppsagnar. Samningurinn um Vegaaðstoð fyrir félaga í Stofni hjá Sjóvá snérist um að Sjóvá greiddi mánaðarlegt fast gjald fyrir umsjón með þjónustunni. Sjóvá þurfti ekki að reka eigin aðstoðarþjónustu og FÍB gat nýtt samlegðaráhrif með eigin aðstoðarþjónustu fyrir þá rúmlega 18 þúsund aðila sem eru félagsmenn í FÍB. Þá segir enn frekar á vef FÍB að ekki sé „hægt að álykta annað en að stjórnendur Sjóvár hafi sagt viðskiptunum upp til að refsa FÍB fyrir gagnrýni á 5 milljarða króna greiðslu til hluthafa tryggingafélagsins. Uppsögnin barst í lok október, aðeins fjórum vikum eftir að FÍB birti áskorun til Sjóvár um að skila ofteknum iðgjöldum til viðskiptavina frekar en láta þau renna í vasa hluthafa.“ „Tímasetning uppsagnarinnar sýnir ofurviðkvæmni stjórnenda Sjóvár fyrir heilbrigðu aðhaldi hagsmunasamtaka neytenda. Hvernig staðið var að uppsögninni staðfestir þá ályktun FÍB. Í samningnum eru ákvæði um að aðilar hans skuli leitast við að ná samkomulagi ef þörf krefur. Ekkert slíkt var reynt af hálfu Sjóvár, aðeins einföld uppsögn á almennt netfang FÍB,“ segir enn frekar á vef FÍB. Aðfinnslur FÍB snúast um að Sjóvá hafi greitt hluthöfum sínum samtals rúmlega fimm milljarða króna í arðgreiðslur. FÍB telur að Sjóvá sitji á umtalsverðum fjármunum sem að miklu leyti hafi orðið til vegna oftekinna iðgjalda, ekki síst af bifreiðatryggingum. FÍB skoraði á stjórn Sjóvá, þann 29. september síðastliðinn að leggja til við hluthafafund að greiðslurnar gengju frekar til viðskiptavina. Samkvæmt vefsíðu FÍB eiga lífeyrissjóðir launafólks 48,3% hlutafjár í Sjóvá. Tryggingar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tók upp þegar hann nauðgaði kærustu sinni í tvígang Innlent Myndband sýnir þjófana í Hamraborg hafa lítið fyrir hlutunum Innlent Svona var Pallborðið með Baldri, Höllu Hrund og Jóni Innlent „Ef stelpur byrja ungar á blæðingum er það fyrsta flaggið“ Innlent Straumhvörf í veðrinu Innlent Átta forsetaefni klár með listana Innlent Ísraelar gera árás á Íran Erlent Hættir með Matargjafir á Akureyri með sorg í hjarta Innlent Halda andlitinu í skólanum en hrynja niður heima Innlent Helga ekki tilbúin að henda inn handklæðinu Innlent Fleiri fréttir Fær einn af sextíu forsetaframbjóðendum upp í bíl til sín Sjá meira
Samningur um að FÍB-aðstoð annist Vegaaðstoð Sjóvár hefur verið í gildi síðan 2007. Samkvæmt fréttinni á vef FÍB hafa engar skýringar borist vegna fyrirvaralausrar uppsagnar. Samningurinn um Vegaaðstoð fyrir félaga í Stofni hjá Sjóvá snérist um að Sjóvá greiddi mánaðarlegt fast gjald fyrir umsjón með þjónustunni. Sjóvá þurfti ekki að reka eigin aðstoðarþjónustu og FÍB gat nýtt samlegðaráhrif með eigin aðstoðarþjónustu fyrir þá rúmlega 18 þúsund aðila sem eru félagsmenn í FÍB. Þá segir enn frekar á vef FÍB að ekki sé „hægt að álykta annað en að stjórnendur Sjóvár hafi sagt viðskiptunum upp til að refsa FÍB fyrir gagnrýni á 5 milljarða króna greiðslu til hluthafa tryggingafélagsins. Uppsögnin barst í lok október, aðeins fjórum vikum eftir að FÍB birti áskorun til Sjóvár um að skila ofteknum iðgjöldum til viðskiptavina frekar en láta þau renna í vasa hluthafa.“ „Tímasetning uppsagnarinnar sýnir ofurviðkvæmni stjórnenda Sjóvár fyrir heilbrigðu aðhaldi hagsmunasamtaka neytenda. Hvernig staðið var að uppsögninni staðfestir þá ályktun FÍB. Í samningnum eru ákvæði um að aðilar hans skuli leitast við að ná samkomulagi ef þörf krefur. Ekkert slíkt var reynt af hálfu Sjóvár, aðeins einföld uppsögn á almennt netfang FÍB,“ segir enn frekar á vef FÍB. Aðfinnslur FÍB snúast um að Sjóvá hafi greitt hluthöfum sínum samtals rúmlega fimm milljarða króna í arðgreiðslur. FÍB telur að Sjóvá sitji á umtalsverðum fjármunum sem að miklu leyti hafi orðið til vegna oftekinna iðgjalda, ekki síst af bifreiðatryggingum. FÍB skoraði á stjórn Sjóvá, þann 29. september síðastliðinn að leggja til við hluthafafund að greiðslurnar gengju frekar til viðskiptavina. Samkvæmt vefsíðu FÍB eiga lífeyrissjóðir launafólks 48,3% hlutafjár í Sjóvá.
Tryggingar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tók upp þegar hann nauðgaði kærustu sinni í tvígang Innlent Myndband sýnir þjófana í Hamraborg hafa lítið fyrir hlutunum Innlent Svona var Pallborðið með Baldri, Höllu Hrund og Jóni Innlent „Ef stelpur byrja ungar á blæðingum er það fyrsta flaggið“ Innlent Straumhvörf í veðrinu Innlent Átta forsetaefni klár með listana Innlent Ísraelar gera árás á Íran Erlent Hættir með Matargjafir á Akureyri með sorg í hjarta Innlent Halda andlitinu í skólanum en hrynja niður heima Innlent Helga ekki tilbúin að henda inn handklæðinu Innlent Fleiri fréttir Fær einn af sextíu forsetaframbjóðendum upp í bíl til sín Sjá meira