BMW segir of snemmt að veðja á innanhúss rafhlöðuframleiðslu

Kristinn Ásgeir Gylfason skrifar 14. janúar 2022 07:01

BMW hefur hingað til ekki viljað fjárfesta í eigin rafhlöðuframleiðslu. Fyrirtækið hefur sagt að það sé of snemmt að stækka innanhúss rafhlöðuframleiðslu sína þar til tæknin er orðin þróaðri.

BMW Group kaupir rafhlöður frá Samsung SDI og CATL. Eins er BMW með samning um kaup á Northvolt rafhlöðum.

Samkvæmt Nicolas Peter, fjármálastjóra BMW er ekki ljóst hverskonar rafhlöður eru rétti kosturinn í augnablikinu. Hann sagði líka að fyrir 2-3 árum hefði BMW ekki trúað því að orkuskiptin yfir í hreina rafbíla myndu gerast eins hratt og raunin er.

„Við höfum tryggt okkur vel með þeim samstarfsaðilum sem við vinnum með í dag. Við erum ekki kominn að þeim tímapunkti að við getum sagt til með öruggum hætti um hvaða tækni mun fylgja okkur næstu 10-15 árin. Þess vegna er mikilvægt að fjárfesta í ýmsum birgjum um allan heim sem vinna í rafhlöðutækni.“

BMW býst við að tvöfalda sölu hreinna rafbíla á milli árana 2021 og 2022 úr rúmlega 100.000 í fyrra á heimsvísu og í 200.000 á heimsvísu.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.