Tveir á níræðisaldri létust af Covid-19 í gær

Kristín Ólafsdóttir skrifar 9. janúar 2022 11:42

Tveir karlmenn á níræðisaldri létust í gær á Landspítala af völdum Covid-19. Þetta kemur fram í tilkynningu frá Landspítala í dag. 41 hefur nú látist af völdum kórónuveirunnar hér á landi frá upphafi faraldurs.

36 sjúklingar liggja á spítalanum vegna Covid-19. 38 lágu á spítalanum í gær. Sjö eru nú á gjörgæslu, fjórir þeirra í öndunarvél.

8.597 sjúklingar eru á COVID-göngudeild spítalans, þar af 2.207 börn. 915 greindust smitaðir af Covid-19 innanlands og 134 á landamærunum. Það eru því aðeins færri en greindust í fyrradag en þá greindust 1.044 með kórónuveiruna. Ásókn í sýnatöku er þó oft minni um helgar.

Fréttin hefur verið uppfærð.

Landspítalinn Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.