Engar frekari ívilnanir fyrir tengiltvinnbíla Kristinn Ásgeir Gylfason skrifar 24. desember 2021 07:00 Tengiltvinnbílum (e. Plug-in-Hybrid) var spáð miklum vinsældum á Norðurlöndum. Þeir nýtast þar sem lengra er á milli hleðslustöðva. vísir/epa Samkvæmt minnisblaði frá Fjármála- og efnahagsráðuneytinu munu ívilnanir fyrir tengiltvinnbíla senn renna sitt skeið. Skattaívilnanir vegna vistvænna bíla hafa verið í gildi síðan 2011. Eftir áramót lækka VSK-ívilnanir fyrir tengiltvinnbíla um helming, úr 960 þúsund krónum í 480 þúsund krónur. Þær verða svo endanlega afmáðar þegar 15 þúsund tengiltvinnbílar eru komnir á götuna, sem líklega verður á fyrri hluta næsta árs. Þeir voru 13.226 þann 7. desember. Áfram verða í gildi ívilnanir fyrir hreina rafbíla og byggir sú nálgun meðal annars á reynslu Norðmanna þegar kemur að innleiðingu orkuskipta í samgöngum. Hreinir rafbílar hafa einungis notið ívilnana í Noregi og hefur þeim gengið best allra þjóða við rafvæðingu bílaflotans. Fjármála- og efnahagsráðuneytið féllst ekki á sameiginlegar tillögur Samtaka ferðaþjónustunnar, Samtaka verslunar og þjónustu og Bílgreinasambandsins. Samtökin sendu sameiginlega umsögn Þá segir í minnisblaðinu að „Með því að ívilna einungis hreinum rafmagnsbílum verða þeir mun hagkvæmari kostur fyrir þá sem vilja fara í orkuskipti. Samhljómur er um það meðal framleiðanda og annarra fagaðila að hreinorkubílar séu varanleg lausn og tengiltvinnbílar séu tímabundin lausn. Á heimsvísu eru tvöfalt fleiri nýir rafmagnsbílar að koma á markað en tengiltvinnbílar og áhersla bílaframleiðenda er á rafmagnsbíla. Gera má ráð fyrir að rafmagnsbílar verði æ samkeppnishæfari í úrvali og verði og VSK-ívilnunin mun styðja það enn frekar að hreinn rafmagnsbíll verði fyrir valinu. Tækni bílaframleiðanda, framboð, úrval og verð vistvænna bíla og viðhorf almennings eru allt þættir sem hafa breyst hratt á sl. tveimur árum.“ Bjarni Benediktsson fjármálaráðherra.Vísir/Vilhelm Ívilnanir fyrir tengiltvinnbíla eru áætlaðar 3,5 milljarðar króna í ár. Tekjutap ríkisins vegna ívilnananna er samkvæmt minnisblaðinu „ígildi fórnaðra möguleika á að veita framlög til annarra aðgerða að sama markmiði, svo sem til hleðsluinnviða, rafvæðingar hafna eða annars.“ „Fjármála- og efnahagsráðuneytið telur að framlenging á VSK-ívilnun tengiltvinnbíla yrði ekki kostnaðarskilvirk aðgerð í loftslagsmálum. Í hið minnsta ætti ekki að gera slíka lagabreytingu án fullnægjandi endurmats á stöðunni, valkostum, árangri og kostnaði,“ segir enn frekar í minnisblaðinu. Hæst er hlutfall rafmagns- og tengiltvinnbíla í Garðabæ og Seltjarnarnesi eða um 16% á meðan á höfuðborgarsvæðinu er hlutfallið 11% og á landsbyggðinni 5%. Skattar og tollar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Tíu sektaðir vegna notkunar nagladekkja Innlent Spaðar Rauðu myllunnar hrundu til jarðar í nótt Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Sánchez íhugar að segja af sér vegna meintrar spillingar Erlent Skipulögðu árásir í Þýskalandi og víðar í nafni ISKP Erlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Ræða mest málefni íslenskunnar á fundum enskumælandi ráðs Innlent Fleiri fréttir Fær einn af sextíu forsetaframbjóðendum upp í bíl til sín Sjá meira
Eftir áramót lækka VSK-ívilnanir fyrir tengiltvinnbíla um helming, úr 960 þúsund krónum í 480 þúsund krónur. Þær verða svo endanlega afmáðar þegar 15 þúsund tengiltvinnbílar eru komnir á götuna, sem líklega verður á fyrri hluta næsta árs. Þeir voru 13.226 þann 7. desember. Áfram verða í gildi ívilnanir fyrir hreina rafbíla og byggir sú nálgun meðal annars á reynslu Norðmanna þegar kemur að innleiðingu orkuskipta í samgöngum. Hreinir rafbílar hafa einungis notið ívilnana í Noregi og hefur þeim gengið best allra þjóða við rafvæðingu bílaflotans. Fjármála- og efnahagsráðuneytið féllst ekki á sameiginlegar tillögur Samtaka ferðaþjónustunnar, Samtaka verslunar og þjónustu og Bílgreinasambandsins. Samtökin sendu sameiginlega umsögn Þá segir í minnisblaðinu að „Með því að ívilna einungis hreinum rafmagnsbílum verða þeir mun hagkvæmari kostur fyrir þá sem vilja fara í orkuskipti. Samhljómur er um það meðal framleiðanda og annarra fagaðila að hreinorkubílar séu varanleg lausn og tengiltvinnbílar séu tímabundin lausn. Á heimsvísu eru tvöfalt fleiri nýir rafmagnsbílar að koma á markað en tengiltvinnbílar og áhersla bílaframleiðenda er á rafmagnsbíla. Gera má ráð fyrir að rafmagnsbílar verði æ samkeppnishæfari í úrvali og verði og VSK-ívilnunin mun styðja það enn frekar að hreinn rafmagnsbíll verði fyrir valinu. Tækni bílaframleiðanda, framboð, úrval og verð vistvænna bíla og viðhorf almennings eru allt þættir sem hafa breyst hratt á sl. tveimur árum.“ Bjarni Benediktsson fjármálaráðherra.Vísir/Vilhelm Ívilnanir fyrir tengiltvinnbíla eru áætlaðar 3,5 milljarðar króna í ár. Tekjutap ríkisins vegna ívilnananna er samkvæmt minnisblaðinu „ígildi fórnaðra möguleika á að veita framlög til annarra aðgerða að sama markmiði, svo sem til hleðsluinnviða, rafvæðingar hafna eða annars.“ „Fjármála- og efnahagsráðuneytið telur að framlenging á VSK-ívilnun tengiltvinnbíla yrði ekki kostnaðarskilvirk aðgerð í loftslagsmálum. Í hið minnsta ætti ekki að gera slíka lagabreytingu án fullnægjandi endurmats á stöðunni, valkostum, árangri og kostnaði,“ segir enn frekar í minnisblaðinu. Hæst er hlutfall rafmagns- og tengiltvinnbíla í Garðabæ og Seltjarnarnesi eða um 16% á meðan á höfuðborgarsvæðinu er hlutfallið 11% og á landsbyggðinni 5%.
Skattar og tollar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Tíu sektaðir vegna notkunar nagladekkja Innlent Spaðar Rauðu myllunnar hrundu til jarðar í nótt Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Sánchez íhugar að segja af sér vegna meintrar spillingar Erlent Skipulögðu árásir í Þýskalandi og víðar í nafni ISKP Erlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Ræða mest málefni íslenskunnar á fundum enskumælandi ráðs Innlent Fleiri fréttir Fær einn af sextíu forsetaframbjóðendum upp í bíl til sín Sjá meira