Samstarf

Nálgast afslætti mörghundruð fyrirtækja á einum stað

1111.is
Brynja Dan Gunnarsdóttir heldur utan um tilboð hundruða fyrirtækja á afsláttarsíðu sinni 1111.is. Í dag er Svartur föstudagur og hægt að gera dúndurkaup.
Brynja Dan Gunnarsdóttir heldur utan um tilboð hundruða fyrirtækja á afsláttarsíðu sinni 1111.is. Í dag er Svartur föstudagur og hægt að gera dúndurkaup.

Svartur föstudagur er í dag og afsláttarsíðan 1111.is telur hátt í fjögurhundruð fyrirtæki.

Þeir sem misstu af Degi einhleypra eða Singles Day þurfa sannarlega ekki að örvænta því Svartur föstudagur bombast nú í gang. Hundruð fyrirtækja bjóða veglega afslætti og hægt er að gera dúndur kaup. Brynja Dan Gunnarsdóttir eigandi afsláttarsíðunnar 1111.is segir fólk ganga skipulega til verks í ár, umferðin inn á síðuna sé svipuð og í fyrra en fólk staldri lengur við.

„Það er eins og fólk sé að gera stærri kaup, skipuleggja sig betur og fer markvissara í málið en að bara skrolla og skoða. Við búumst við jafn mikilli aðsókn í dag og á Singles Day en þó dreifist hún yfir fleiri daga núna. Nú getur fólk farið inn og skoðað hvað er í boði og klárað svo kaupin yfir helgina eða á mánudaginn. Enda er fjöldi verslana inni á 1111.is og því um að gera að vera skipulagður, við erum að nálgast 400 skráð fyrirtæki sem er frábært! Við viljum hafa úrval og fjölbreytni og það ættu allir að geta fundið eitthvað við sitt hæfi,“ segir Brynja, úrvalið spanni alla flóruna.

„Við erum mjög stolt af því hve úrvalið er fjölbreytt á síðunni. Það er hægt að kaupa hjól, sófa, rúm, snyrtivörur, dekur, kynlífstæki, skart, barnavörur, verkfæri, útivistafatnað og græjur, líka upplifanir á borð við hótelgistingu, út að borða, þyrluflug og allt þar á milli.

Algengast er að afsláttur sé a.m.k. 20%, ýmist flatur eða af ákveðnum vörum en margar verslanir kaupa sérstaklega inn vörur fyrir þessa daga sem hægt er að bjóða á góðum afslætti. Svo er alltaf gaman að sjá afslátt upp á 60, 70 80 og 90%! Við erum ekki dottin í útsölur eftir Thanks Giving eins og kaninn en neytendur gera samt ráð fyrir veglegum afslætti á Svörtum föstudegi.“

Brynja hefur byggt upp síðuna 1111.is allt frá árinu 2015 og er viðmótið einfalt og þægilegt í notkun.

„Efst eru flokkar sem ná yfir flest ef ekki allt og svo er leitarvél á síðunni líka svo enga stund tekur að finna hvort ákveðin vara sé með eða ekki. Við erum einnig alltaf að reyna að gera eitthvað skemmtilegt og í ár er hægt að smella á hnapp og þá byrjar JólaFlashBack að spilast. Það er kærkomið að setjast niður með piparkökurnar og kakóið, hlusta á jólalögin og klára innkaupin og fá sent heim.

Rúsínan í pulsuendanum er síðan sú að Netgíró borgar reikninginn fyrir nokkra heppna notendur síðunnar,“ segir Brynja.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.