Fullorðin kona lést í umferðarslysi í morgun eftir að ekið var á hana.
Kona lést í umferðarslysi á gatnamótum Gnoðavogs og Skeiðarvogs á níunda tímanum í morgun. Málið er til rannsóknar hjá lögreglu og Rannsóknarnefnd samgönguslysa.
Tilkynnt var í morgun að ekið hafi verið á gangandi vegfaranda við gatnamótin. Tilkynning um slysið barst lögreglu klukkan 8:32. Konan var flutt á slysadeild stuttu eftir að viðbragðsaðilar komu á staðinn.
Rannsóknarnefnd samgönguslysa og lögregla voru við störf á staðnum í nokkurn tíma og var meðal annars notast við dróna á vettvangi.
Engar frekari upplýsingar verða veittar að svo stöddu samkvæmt tilkynningu frá lögreglu.
Ekið var á gangandi vegfaranda á nærri gatnamótum Skeiðarvogs og Gnoðarvogs í Reykjavík skömmu eftir klukkan 8:30 í morgun.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.