Taka þurfi erfiðar ákvarðanir til að ná fram 370 milljóna hagræðingu Tryggvi Páll Tryggvason skrifar 23. nóvember 2021 14:12 Akureyri er að komast í vetrarbúninginn. Vísir/Tryggvi Reiknað er með að rekstrarniðurstaða Akureyrarbæjar fyrir næsta ár verði neikvæð um 672 milljónir. Stefnt er að því að hagræða í rekstri bæjarins um 370 milljónir króna. Bæjarstjórnin segir ljóst að til að ná fram þeirri hagræðingu þurfi að taka erfiðar ákvarðanir. Þetta er á meðal þess sem kemur fram í tilkynningu bæjarstjórnar vegna frumvarps um fjárhagsáætlun bæjarins fyrir næsta ár. Fyrri umræða um frumvarpið fór fram í bæjarstjórn síðustu viku en seinni umræðan fer fram þann 15. desember. Íbúum er jafnframt boðið á rafrænan kynningarfund um efni frumvarpsins þann 7. desember næstkomandi. Í tilkynningunni er vísað í samstarfssáttmála bæjarstjórnarinnar, sem mynduð er af fulltrúum allra flokka sem náðu kjöri í síðustu sveitarstjórnarkosningum. Þar segir að framtíðarsýn bæjarins sé sú að rekstur hans verði sjálfbær auk þess sem að leggja skuli áherslu á framúrskarandi skóla, lífsgæði og góða þjónustu, auk annarra þátta. Vilja auka tekjur og draga úr kostnaði Þar segir einnig að það sé áskorun að stíga „markviss skref í átt að sjálfbærni í rekstri sveitarfélagsins“, samhliða því að horft sé til framtíðarsýnar bæjarstjórnarinnar. Auka þurfi tekjur og draga úr kostnaði. Stefnt er að sjálfbærni í rekstri Akureyrarbæjar.Vísir/Tryggvi „Áætluð rekstrarniðurstaða ársins 2022 er neikvæð um 672 m.kr í samstæðunni allri en gert er ráð fyrir því að rekstrarniðurstaða A-hluta verði neikvæð um ríflega 1,1 milljarð króna. Til þess að ná markmiði um sjálfbæran rekstur má með töluverðri einföldun segja að rekstrarniðurstaða A-hluta verði að vera jákvæð. Til þess að sá árangur náist þarf bæði að horfa til þess að auka tekjur og draga úr kostnaði,“ segir í tilkynningunni. Gagnrýna ríkið Í tilkynningunni er ýmislegt nefnt til sögunnar til að skýra fjárhagsstöðu bæjarins. Kjarasamningar, áætluð hækkun lífeyrisskuldbindinga og þá ákvörðun bæjarstjórnar að taka á móti börnum í leikskóla allt niður í tólf mánaða aldur. Þá segir bæjarstjórnin einnig að ríkið eigi sinn þátt í stöðunni. „Þá verður ekki framhjá því litið að ákvarðanir ríkisvaldsins hafa oft og tíðum veruleg áhrif á rekstur sveitarfélagsins. Sem dæmi má nefna vanfjármögnun ríkisins við yfirfærslu á málaflokki fatlaðs fólks frá ríki til sveitarfélaga. Leiða má að því líkum að á þriðja hundrað milljónir króna vanti frá ríkinu til Akureyrarbæjar vegna verkefnisins á árinu 2022. Má því í raun segja að ríkið hafi sett fram niðurskurðarkröfu á sveitarfélagið sem því nemur. Þess utan eru of oft sett ný lög sem auka kröfur í lögbundnum málaflokkum sveitarfélaga sem hækka rekstrarkostnað, án þess að lögin hafi verið kostnaðarmetin eða rætt um hvernig eigi að skipta fjármögnun á milli ríkis og sveitarfélaga. Þetta telur bæjarstjórn óviðunandi.“ Reikna með að þurfa að skerða þjónustu Í tengslum við vinnu bæjarstjórnar við frumvarpið hafa verið sagðar fréttir af því að mögulega standi til að loka Glerárlaug, annarri af tveimur sundlaugum bæjarins. Eru sumir bæjarbúar mótfallnir því. Bæjarstjórnin reiknar með að þurfa að taka erfiðar ákvarðanir.Vísir/Tryggvi Í tilkynningu bæjarstjórnarinnar segir að ljóst sé að dregið verði úr þjónustu við bæjarbúa að einhverju marki, svo ná megi fram þeirri hagræðingu sem stefnt er að, 370 milljónum króna. „Sú vinna sem fram fer í bæjarstjórn um fjárhagsáætlun á milli umræðna snýst fyrst og fremst um að rýna betur þær hagræðingartillögur sem fram hafa komið frá nefndum og sviðsstjórum, en miðað við forsendur fjárhagsáætlunar í fyrri umræðu í bæjarstjórn er gert ráð fyrir því að hagræða í rekstri Akureyrarbæjar um 370 milljónir króna á næsta ári. Til þess að ná fram þeirri hagræðingu telur bæjarstjórn eðlilegt að undirstrika að taka þarf erfiðar ákvarðanir og að einhverju marki verður dregið úr þjónustu við bæjarbúa sem eðlilegt er að verði umdeilt í samfélaginu.“ Tilkynningu bæjarstjórnar má lesa í heild sinni hér. Akureyri Sveitarstjórnarmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslendingur sem lúbarði lögreglumenn í Varsjá þarf að borga brúsann Erlent Quang Le hakkaður á Facebook Innlent Rúður skotnar í spað í verslun innflytjenda Innlent Þrettán ára drengur stunginn til bana með sverði Erlent Særði minnst fimm með sverði í Lundúnum Erlent Lítilsvirðing gagnvart konum eigi ekki að líðast hjá RÚV Innlent Aukin virkni í gosinu Innlent Spurningar til Baldurs minni á árið 1980 Innlent Umboðsmaður krefst skýringa á nýju lögreglumerki Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Bein útsending: Kynna skýrslu um aðra orkukosti Aukin virkni í gosinu Grænt ljós á Láka og Flata en ekki Libyu Umboðsmaður krefst skýringa á nýju lögreglumerki Þrír handteknir fyrir ógnandi hegðun í þremur aðskildum málum Lítilsvirðing gagnvart konum eigi ekki að líðast hjá RÚV Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Sjá meira
Þetta er á meðal þess sem kemur fram í tilkynningu bæjarstjórnar vegna frumvarps um fjárhagsáætlun bæjarins fyrir næsta ár. Fyrri umræða um frumvarpið fór fram í bæjarstjórn síðustu viku en seinni umræðan fer fram þann 15. desember. Íbúum er jafnframt boðið á rafrænan kynningarfund um efni frumvarpsins þann 7. desember næstkomandi. Í tilkynningunni er vísað í samstarfssáttmála bæjarstjórnarinnar, sem mynduð er af fulltrúum allra flokka sem náðu kjöri í síðustu sveitarstjórnarkosningum. Þar segir að framtíðarsýn bæjarins sé sú að rekstur hans verði sjálfbær auk þess sem að leggja skuli áherslu á framúrskarandi skóla, lífsgæði og góða þjónustu, auk annarra þátta. Vilja auka tekjur og draga úr kostnaði Þar segir einnig að það sé áskorun að stíga „markviss skref í átt að sjálfbærni í rekstri sveitarfélagsins“, samhliða því að horft sé til framtíðarsýnar bæjarstjórnarinnar. Auka þurfi tekjur og draga úr kostnaði. Stefnt er að sjálfbærni í rekstri Akureyrarbæjar.Vísir/Tryggvi „Áætluð rekstrarniðurstaða ársins 2022 er neikvæð um 672 m.kr í samstæðunni allri en gert er ráð fyrir því að rekstrarniðurstaða A-hluta verði neikvæð um ríflega 1,1 milljarð króna. Til þess að ná markmiði um sjálfbæran rekstur má með töluverðri einföldun segja að rekstrarniðurstaða A-hluta verði að vera jákvæð. Til þess að sá árangur náist þarf bæði að horfa til þess að auka tekjur og draga úr kostnaði,“ segir í tilkynningunni. Gagnrýna ríkið Í tilkynningunni er ýmislegt nefnt til sögunnar til að skýra fjárhagsstöðu bæjarins. Kjarasamningar, áætluð hækkun lífeyrisskuldbindinga og þá ákvörðun bæjarstjórnar að taka á móti börnum í leikskóla allt niður í tólf mánaða aldur. Þá segir bæjarstjórnin einnig að ríkið eigi sinn þátt í stöðunni. „Þá verður ekki framhjá því litið að ákvarðanir ríkisvaldsins hafa oft og tíðum veruleg áhrif á rekstur sveitarfélagsins. Sem dæmi má nefna vanfjármögnun ríkisins við yfirfærslu á málaflokki fatlaðs fólks frá ríki til sveitarfélaga. Leiða má að því líkum að á þriðja hundrað milljónir króna vanti frá ríkinu til Akureyrarbæjar vegna verkefnisins á árinu 2022. Má því í raun segja að ríkið hafi sett fram niðurskurðarkröfu á sveitarfélagið sem því nemur. Þess utan eru of oft sett ný lög sem auka kröfur í lögbundnum málaflokkum sveitarfélaga sem hækka rekstrarkostnað, án þess að lögin hafi verið kostnaðarmetin eða rætt um hvernig eigi að skipta fjármögnun á milli ríkis og sveitarfélaga. Þetta telur bæjarstjórn óviðunandi.“ Reikna með að þurfa að skerða þjónustu Í tengslum við vinnu bæjarstjórnar við frumvarpið hafa verið sagðar fréttir af því að mögulega standi til að loka Glerárlaug, annarri af tveimur sundlaugum bæjarins. Eru sumir bæjarbúar mótfallnir því. Bæjarstjórnin reiknar með að þurfa að taka erfiðar ákvarðanir.Vísir/Tryggvi Í tilkynningu bæjarstjórnarinnar segir að ljóst sé að dregið verði úr þjónustu við bæjarbúa að einhverju marki, svo ná megi fram þeirri hagræðingu sem stefnt er að, 370 milljónum króna. „Sú vinna sem fram fer í bæjarstjórn um fjárhagsáætlun á milli umræðna snýst fyrst og fremst um að rýna betur þær hagræðingartillögur sem fram hafa komið frá nefndum og sviðsstjórum, en miðað við forsendur fjárhagsáætlunar í fyrri umræðu í bæjarstjórn er gert ráð fyrir því að hagræða í rekstri Akureyrarbæjar um 370 milljónir króna á næsta ári. Til þess að ná fram þeirri hagræðingu telur bæjarstjórn eðlilegt að undirstrika að taka þarf erfiðar ákvarðanir og að einhverju marki verður dregið úr þjónustu við bæjarbúa sem eðlilegt er að verði umdeilt í samfélaginu.“ Tilkynningu bæjarstjórnar má lesa í heild sinni hér.
Akureyri Sveitarstjórnarmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslendingur sem lúbarði lögreglumenn í Varsjá þarf að borga brúsann Erlent Quang Le hakkaður á Facebook Innlent Rúður skotnar í spað í verslun innflytjenda Innlent Þrettán ára drengur stunginn til bana með sverði Erlent Særði minnst fimm með sverði í Lundúnum Erlent Lítilsvirðing gagnvart konum eigi ekki að líðast hjá RÚV Innlent Aukin virkni í gosinu Innlent Spurningar til Baldurs minni á árið 1980 Innlent Umboðsmaður krefst skýringa á nýju lögreglumerki Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Bein útsending: Kynna skýrslu um aðra orkukosti Aukin virkni í gosinu Grænt ljós á Láka og Flata en ekki Libyu Umboðsmaður krefst skýringa á nýju lögreglumerki Þrír handteknir fyrir ógnandi hegðun í þremur aðskildum málum Lítilsvirðing gagnvart konum eigi ekki að líðast hjá RÚV Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Sjá meira