Viðskipti innlent

Ís­lenskur rjóma­líkjör, gra­nóla, barna­matur og harð­fisk­flögur fyrir valinu

Eiður Þór Árnason skrifar
Fulltrúar fyrirtækjanna sem taka þátt í Til sjávar og sveita 2021.
Fulltrúar fyrirtækjanna sem taka þátt í Til sjávar og sveita 2021. Icelandic Startups

Fyrirtækin Jökla, Sifmar (Krakkakropp), MAR crisps, Náttúrulega gott, Nordic Wasabi og Næra voru nýlega valin inn í viðskiptahraðalinn Til sjávar og sveita 2021 sem settur var á mánudag.

Í ár er áherslan lögð á markaðssókn fyrirtækja sem eru tilbúin með vöru eða langt komin í vöruþróun. Tuttugu umsóknir bárust og var ákveðið að fjölda þátttakendum úr fimm í sex.

Fyrirtækin eru fjölbreytt að þessu sinni en Næra notar einstaka aðferð við framleiðslu á snakki með íslensku hráefni. Nordic Wasabii framleiðir hið sjaldgæfa og eftirsótta ferska wasabi sem ræktað er á Íslandi við umhverfisvænar aðstæður. 

Jökla er fyrsti íslenski rjómalíkjörinn sem kom á markað í ár og Náttúrulega gott framleiðir handgert íslenskt granóla án allra aukaefna, viðbætts sykurs eða sætuefna. Sifmar framleiðir Krakkakropp sem er hollur íslenskur barnamatur sem leggur áherslu á að sporna gegn matarsóun. MAR crisps eru svo örþunnar harðfiskflögur sem ekki hafa sést áður á innlendum markaði.

Greint er frá þessu í tilkynningu frá Icelandic Startups sem hefur umsjón með Til sjávar og sveita. Rík áhersla verður lögð á að tengja fyrirtækin við fjárfesta og aðra sérfræðinga á markaði.

Ætlað fyrirtækjum sem vilji útfæra næstu skref

Freyr Friðfinnsson, verkefnastjóri Til sjávar og sveita, segir að fyrirtæki hafi náð ótrúlegum framförum í viðskiptahröðlum Icelandic Startups en að því loknu þurfi eitthvað annað að taka við.

„Jökla tók þátt í fyrra og eru komin með vöru á markað og þá standa þau frammi fyrir nýjum áskorunum eins og skalanleika og markaðssetningu sem er einmitt það sem við leggjum áherslu á í þessari útfærslu á Til sjávar og sveita,“ segir hann í tilkynningu.

Tobba Marínós, stofnandi og eigandi Náttúrulega gott, segir það oft flókið og jafnvel óyfirstíganlegt að komast yfir vaxtaverki þegar lítið fyrirtæki rýkur vel af stað.

„Það er 80% aukning milli ára hjá okkur en ein vara er ekki nóg. Hvert er náttúrulegt framhald og hvernig skal forgangsraða til að hugmyndir blómstri og stækki. Við hjá Náttúrulega Gott erum tilbúin með heila vörulínu en þurfum að leggjast yfir framhaldið. Okkar vara á sannarlega heima á alþjóðavettvangi en hvernig er best að byrja slíka vegferð? Við mamma erum með milljón hugmyndir sem við vonumst til að verði að skýru aðgerðarplani á næstu vikum með hjálp hraðalsins.“

Bakhjarlar Til sjávar og sveita árið 2021 eru Mjólkursamsalan og Ísey sem og Samkaup sem stutt hefur við verkefnið í samstarfi við Sjávarklasann, Landbúnaðarklasann og Matís. Verkefnið er jafnframt styrkt af Atvinnuvega- og nýsköpunarráðuneytinu.


Tengdar fréttir

Vilja fá öflugustu matar­sprota landsins

Þriðja árið í röð stendur Icelandic Startups fyrir viðskiptahraðlinum Til sjávar og sveita sem er sérstaklega ætlaður fyrirtækjum í matvælaiðnaði.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
1,76
12
188.387
SJOVA
1,07
12
215.193
MAREL
0,96
36
750.138
SYN
0,76
3
20.834
SKEL
0,32
7
115.257

Mesta lækkun dagsins


Félag
Br.%
Fjöldi
Velta*
VIS
-1,49
10
152.594
ARION
-1,08
23
567.811
LEQ
-0,89
3
13.669
SIMINN
-0,8
11
143.448
KVIKA
-0,79
21
322.921
Velkomin á Vísi. Þessi vefur notar vafrakökur. Sjá nánar.