Valgerður Ólafsdóttir látin

Jakob Bjarnar skrifar 12. nóvember 2021 14:06

Valgerður Ólafsdóttir þroskasálfræðingur og framkvæmdastjóri Velferðarsjóðs barna er látin 70 ára að aldri. Hún lætur eftir sig eiginmann, Kára Stefánsson lækni og forstjóra Íslenskrar erfðagreiningar.

Valgerður og Kári eiga þrjú börn saman, þau Ara, Svanhildi og Sólveigu. Barnabörn þeirra eru orðin sex talsins.

Kári tilkynnti um andlát Valgerðar á Facebook-síðu sinni nú síðdegis og birti þá tvö ljóð sem hann samdi til hennar auk mynda af þeim tveimur. Hann segir Valgerði ástina sína, lífsförunaut til 53 ára.

Í tilkynningu frá upplýsingafulltrúa Kára segir meðal annars að Valgerður sé fædd 4. október 1951 en foreldrar hennar voru Ólafur Ólafsson og Svanhildur Marta Björnsdóttir. Stjúpfaðir Valgerðar var Kristján Davíðsson myndlistarmaður. Bræður Valgerðar eru Einar Sebastian Ólafsson og Kjartan Ólafsson. Bróðir hennar sammæðra og sonur Kristjáns Davíðssonar er Björn Davíð Kristjánsson.

Útförin verður auglýst síðar.

Hér fyrir neðan má lesa ljóð Kára til Valgerðar.

Vala

I remember lost causes
as well as those fought
to victory.
I remember men who fell
by the wayside.
I remember smiles that
never took place.
I remember poems
that were never written
and I remember
her
as a young woman
with a face like no other face,
with all the beauty
of this world and
all other worlds in one face.
I remember sadness in the face
of all faces that should have
been quenched,
but wasn´t.
I remember my inadequacies
and failures.
I remember the pain from
not being able to
deal with her pain
as a part of her.
I remember letting down
the only woman I ever loved.

Vala

ég hlusta
til þess eins
að heyra
í þér
hjarta sem slær
í takt
við veröld svo fjarri
Dagur að drekka kaffi
á Mokka eða Tröð
að telja kjark
í byltingasinnaða snáða
og þú í appelsínugulum kjól
og allt sem ég gat gert fyrir þig
en gerði ekki
og get ekki meir.
Guð hvað þetta er gallað líf
sem ég hef lifað
og langt frá því
að ríma við góðan smekk

Íslensk erfðagreining Andlát

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir