Viðskipti innlent

Banda­ríkja­menn fjöl­mennasti hópur ferða­manna í októ­ber

Atli Ísleifsson skrifar
Brottfarir Íslendinga í síðasta mánuði voru tæplega 40 þúsund talsins en í sama mánuði í fyrra voru þær um tæplega fjögur þúsund.
Brottfarir Íslendinga í síðasta mánuði voru tæplega 40 þúsund talsins en í sama mánuði í fyrra voru þær um tæplega fjögur þúsund. Vísir/Vilhelm

Brottfarir erlendra farþega frá landinu um Keflavíkurflugvöll voru um 103 þúsund í nýliðnum októbermánuði samkvæmt talningu Ferðamálastofu og Isavia.

Í tilkynningu frá Ferðamálastofu segir að horfa þurfi til ársins 2015 til að sjá álíka fjölda brottfara erlendra farþega í októbermánuði. Bandaríkjamenn voru fjölmennastir eða tæplega þriðjungur.

Frá áramótum hafa um 548 þúsund erlendir farþegar farið frá Íslandi og er um að ræða 17,3 prósenta fjölgun miðað við sama tímabil í fyrra þegar brottfarir erlendra farþega voru um 467 þúsund. Borið saman við 2019 er fækkunin hins vegar 68 prósent.

„Langflestar brottfarir í október má rekja til Bandaríkjamanna eða tæplega þriðjung (31,7%). Bretar voru í öðru sæti en brottfarir þeirra voru um 10.200 talsins eða 9,9% af heild. Í þriðja sæti voru brottfarir Þjóðverja, um 9,1% af heild og í því fjórða Danir, um 5,3% af heild.

Þar á eftir fylgdu brottfarir Pólverja (5,2% af heild), Spánverja (4,3% af heild), Ítala (4,3% af heild), Frakka (3,6% af heild), Hollendinga (3,6% af heild) og Kanadabúa (1,9% af heild). Samtals voru brottfarir tíu stærstu þjóðerna 79,5% af heild,“ segir í tilkynningunni.

Brottfarir Íslendinga í síðasta mánuði voru tæplega 40 þúsund talsins en í sama mánuði í fyrra voru þær um tæplega fjögur þúsund. Brottfarir Íslendinga frá áramótum eru um 152 þúsund eða um fimmtungi fleiri en á sama tímabili í fyrra.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
0,56
39
389.936
SJOVA
0,55
7
47.004
ICEAIR
0,52
75
104.875

Mesta lækkun dagsins


Félag
Br.%
Fjöldi
Velta*
ICESEA
-1,71
7
112.011
KVIKA
-1,65
62
1.143.163
EIK
-1,56
3
150
ORIGO
-1,53
13
82.150
SKEL
-1,32
5
5.528
Velkomin á Vísi. Þessi vefur notar vafrakökur. Sjá nánar.