Innlent

Þrjú innbrot og árás á dyravörð

Hólmfríður Gísladóttir skrifar
Lögreglu bárust þrjár tilkynningar um innbrot í gærkvöldi.
Lögreglu bárust þrjár tilkynningar um innbrot í gærkvöldi.

Lögreglu bárust í gær þrjár tilkynningar vegna innbrota. Í tveimur tilvikum var um að ræða innbrot á heimili en í einu innbrot í bifreið. Innbrotin áttu sér stað í þremur póstnúmerum; 103, 105 og 108.

Um kl. 21 var tilkynnt um innbrot í bifreið í Háaleitis- og Bústaðahverfi. Var rótað í bílnum og munum stolið og búið að skemma kveikjulásinn.

Rétt fyrir kl. 22 var tilkynnt um innbrot á heimili í Hlíðahverfi. Þar var „losaður úr gluggi“ samkvæmt tilkynningu lögreglu og farið inn en ekki er vitað hverju var stolið.

Um kl. 22.30 var síðan tilkynnt um innbrot í Múlahverfi en þar var stormjárn skemmt og farið inn. Búið var að róta í munum á heimilinu og vinna einhverjar skemmdir á innanstokksmunum. Hinir óprúttnu aðilar eru sagðir hafa haft sig á brott þegar öryggiskerfi fór í gang.

Fyrir utan húsið fundust munir sem eru taldir tengjast öðrum innbrotum.

Um kl. 23 var tilkynnt um líkamsárás á veitingastað í miðborginni. Þar fékk dyravörður hnefahögg í andlitið og vitað er hver gerandinn var.

Þá var tilkynnt um slys í miðborginni skömmu eftir miðnætti. Ungur maður datt af rafmagnshlaupahjóli og hlaut skurð, auk þess að vera illa áttaður eftir fallið. Var hann fluttur á bráðamóttöku Landspítala með sjúkrabifreið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.