Neytendur

Bátur dagsins er allur

Eiður Þór Árnason skrifar
Breytingar hafa verið gerðar á matseðli Subway.
Breytingar hafa verið gerðar á matseðli Subway. Getty/Justin Sullivan

Bátur dagsins á Subway heyrir nú sögunni til og ekki er lengur hægt að kaupa stakan bát dagsins á sérstöku tilboðsverði. Þess í stað býður samlokurisinn nú upp á svokallaða máltíð dagsins sem inniheldur bát ásamt gosi og meðlæti.

Sverrir Berg Steinarsson, framkvæmdastjóri Subway á Íslandi, segir að breytingin sé hluti af áframhaldandi þróun á vöruframboði skyndibitakeðjunnar. Stutt er frá því að Domino‘s hækkaði verð á sínu víðfræga þriðjudagstilboði en Sverrir segir að þessi breyting sé ekki gerð til að bregðast við kostnaðarhækkunum.

„Það hafa verið einhverjar verðbreytingar í gangi til að bregðast við verðhækkunum í umhverfinu en þetta var fyrst og fremst gert til þess að koma með betri vöru. Við erum alveg klár á því að það gerist eiginlega ekki betra en þúsund kall fyrir máltíð.“

Þúsaldartilboð í nýjum búningi

Með breytingunni verður ekki lengur hægt að kaupa stakan sex tommu bát dagsins á 699 krónur eða tólf tommu á 1.169 krónur. Þess í stað borga viðskiptavinir 999 eða 1.399 krónur og fá þess í stað miðstærð af gosi og smáköku eða snakkpoka.

Áður var bauð Subway upp á svonefnt Þúsaldartilboð sem innihélt bát dagsins, gos og meðlæti á 1.100 og 1.500 krónur og má því segja að skyndibitakeðjan hafi lækkað verðið á því tilboði.

Sverrir bendir á að reglulega hafi verið gerðar breytingar á vöruframboði þessarar næststærstu skyndibitakeðju landsins og til að mynda hafi bátur dagsins eitt sinn verið bátur vikunnar og þar áður bátur mánaðarins. Ekki sé loku fyrir það skotið að hagsýnir neytendur geti síðar fengið stakan bát dagsins á ný.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ISB
1,3
4
31.628
ICEAIR
1,29
17
38.048
KVIKA
0,8
3
2.737
EIK
0,79
2
75.520
VIS
0,75
3
41.610

Mesta lækkun dagsins


Félag
Br.%
Fjöldi
Velta*
BRIM
-1,31
1
98
MAREL
-1,19
2
19.144
SJOVA
-0,26
4
41.540
ARION
0
6
38.836
ICESEA
0
1
3.100
Velkomin á Vísi. Þessi vefur notar vafrakökur. Sjá nánar.