Viðskipti innlent

71 prósent segjast frekar versla við inn­lendar net­verslanir

Eiður Þór Árnason skrifar
Netverslun færðist í aukanna í samkomubanni.
Netverslun færðist í aukanna í samkomubanni. Getty/Westend61

Mikil aukning hefur verið í netverslun Íslendinga á undanförnum misserum og gera um 23 prósent ráð fyrir því að versla meira á netinu á næstu tólf mánuðum. Þá segjast um 71 prósent Íslendinga versla frekar við innlendar vefverslanir en erlendar.

Þetta er niðurstaða nýrrar rannsóknar sem hefur verið keyrð vikulega frá því í mars á þessu ári. Samkvæmt henni verslar um helmingur Íslendinga frekar við erlenda vefverslun þegar varan fékkst einungis þar en ekki í íslenski netverslun. Dæmi um vörur sem Íslendingar versluðu erlendis voru til dæmis föt og skór, íþrótta- og stundavörur og snyrtivörur.

Versla að jafnaði 48 sinnum á netinu á ári

„Þetta eru ánægjulegar fréttir og sýnir að Íslendingar kunna að meta íslenskar vefverslanir,“ segir Andrés Magnússon, framkvæmdastjóri Samtaka verslunar og þjónustu, í tilkynningu.

Rannsóknarfyrirtækið Prósent sér um reglulegu mælingarnar þar sem 200 svörum einstaklinga á aldrinum 18 ára og eldri er safnað í hverjum mánuði.

Ef marka má niðurstöðurnar versla Íslendingar á aldrinum 25 til 34 ára oftast á netinu eða um 48 sinnum á ári. 61 prósent kaupenda segjast kynna sér vörurnar á einhvern hátt áður en þær eru keyptar, til að mynda með því að kynna sér vörueiginleika, bera saman verð og lesa umsagnir.

Verslun Skoðanakannanir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið