Fótbolti

Þriðji sigurinn í síðustu fjórum leikjum og Al Arabi í toppbaráttu

Ingvi Þór Sæmundsson skrifar
Aron Einar Gunnarsson í búningi Al Arabi.
Aron Einar Gunnarsson í búningi Al Arabi. Getty/Simon Holmes

Aron Einar Gunnarsson lék allan leikinn þegar Al Arabi sigraði Al Khor, 0-2, í katörsku úrvalsdeildinni í dag.

Al Arabi hefur byrjað tímabilið vel og eftir níu leiki er liðið í 3. sæti katörsku deildarinnar með nítján stig, sex stigum á eftir toppliði Al-Sadd.

Al Arabi er taplaust í síðustu fjórum leikjum sínum og fengið tíu stig af tólf mögulegum í þeim.

Abdulqadir Ilyas kom Al Arabi yfir eftir tuttugu mínútna leik og staðan í hálfleik var 0-1. Þegar fimm mínútur voru komnar fram yfir venjulegan leiktíma skoraði varamaðurinn Rami Suhail Ali annað mark gestanna og gulltryggði sigur þeirra.

Aron Einar hefur leikið átta af níu deildarleikjum Al Arabi á tímabilinu.




Fleiri fréttir

Sjá meira


×