Atvinnulíf

„Ég byrja á því að setja löppina utan um Bjössa minn“

Rakel Sveinsdóttir skrifar
Svava Johansen fyrir framan nýjan glugga verslunarinnar GK Reykjavík. Þar er hægt að kaupa Bond-legan fatnað að sögn Svövu, þar sem verslunin er í skemmtilegu samstarfi við James Bond sýningarnar í kvikmyndahúsum. 
Svava Johansen fyrir framan nýjan glugga verslunarinnar GK Reykjavík. Þar er hægt að kaupa Bond-legan fatnað að sögn Svövu, þar sem verslunin er í skemmtilegu samstarfi við James Bond sýningarnar í kvikmyndahúsum.  Vísir/Vilhelm

Svava Johansen, forstjóri og eigandi NTC ehf., byrjar daginn á kúri með því að setja löppina utan um eiginmanninn. Hún leggur áherslu á að taka vel á móti hverjum degi; Býður góðan daginn og tekur eftir því ef sólarglæta skín inn um gluggann. 

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Ég stilli klukkuna yfirleitt á hálf átta og snúsa til átta. Mér finnst reyndar mjög gott að kúra svolítið, og geri það þegar ég get um helgar. Ég er þó alltaf glaðari þegar ég fer fyrr á fætur, verður yfirleitt alltaf betri dagur.“

Hvað er það fyrsta sem þú gerir á morgnana?

„Ég byrja á því að setja löppina utan um Bjössa minn ef löppin hans er ekki þegar komin utan um mig haha! Þá eru stundum einn eða tveir voffalingar líka í rúminu til fóta.

Ég býð alltaf góðan daginn og það er um að gera að vekja athygli á fallegum degi ef það er sól sem skín inn um gluggann. Það er svo gott fyrir sálina hjá okkur öllum að taka eftir því og þetta er góð byrjun á deginum.

Hoppa síðan í sjóðandi heita sturtu, fæ mér tvöfaldan espresso and I am ready to go með bros á vör.“

Hver var mesta áskorunin í golfi síðastliðið sumar og hvaða markmið hefur þú sett þér fyrir næsta sumar?

„Áskorunin var og er áfram að lækka forgjöfinaí golfinu, laga vippin og púttin; sem sagt allt stutta spilið!”

Svava notar iPhone símann sinn til að skrá niður verkefni og minna sig á allt það helsta. Hún segist þó leggja áherslu á að eyða ekki sinni orku í stress.Vísir/Vilhelm

Í hvaða verkefni ertu að vinna helst í þessa dagana?

„Í dag erum við að undirbúa nýja glæsilega 300 fermetra KULTUR MENN herrafataverslun í Smáralind, þar verður einnig stór golfdeild innandyra fyrir menn og konur. 

Við áætlum að opna í lok nóvember.

Einnig erum við að uppfæra ört vaxandi vefverslunin okkar NTC.IS sem verður loksins tilbúin í lok okt. Hún er þó alveg vel í gangi núna en fær geggjað nýtt útlit.

Hvernig skipuleggur þú þig í vinnu?

„Ég elska iphone, skrifa allt í Calander sem ég þarf að gera. Set í efstu línur það sem liggur á og læt minna mig á í „Alert“ þá hluti.

Ég vil ekki nota orkuna mína í stress um að ég muni gleyma einhverju mikilvægu, punkta frekar allt þar inn og get þannig verið heil í því sem ég er að vinna það skiptið.

Mín vinna snýst svo um heildaryfirsýn frekar en að grafa mig beint inní eitt verkefni. Ég vinn meiri í að koma öllum hjólum í gang og að vita að þau séu öll að snúast.“

Hvenær ferðu að sofa á kvöldin?

„Seint. Já eiginlega allt of seint. Þótt ég elski að vakna snemma á morgnana, þá er ég líka algjör B manneskja.

Mér finnst ég fá ótrúlega orku á kvöldin þegar allt er orðið hljótt. Ég klára yfirleitt það sem ég næ ekki að gera yfir daginn, það er eins og það opnist einhver ný vídd, ég finn lausnir á ýmsum málum.

Ég fer þó sum kvöld að sofa snemma, get einhvern veginn alltaf sofnað strax; jafnvel þótt ég sé að drekka kaffi langt fram eftir kvöldi sem ég hef alveg fengið með móðurmjólkinni.”


Tengdar fréttir

Ætlaði að verða atvinnumaður í fótbolta en skemmtanahaldið heillaði

Tómas Númi Sigurðsson rekstrarstjóri Pablo Discobar hvetur landsmenn hreinlega til að dusta rykið af dansskónnum, drífa sig í glimmergallann og skella sér á diskó en skemmtistaðurinn Pablo Discobar opnaði á ný um síðustu helgi. Þegar Tómas var gutti ætlaði hann að verða atvinnumaður í fótbolta þegar hann yrði stór.

Liðin tíð að vaka frameftir og allt betra eftir fjölskyldusund

Ásta Sigríður Fjeldsted, framkvæmdastjóri Krónunnar, vaknar snemma og klárar helst hreyfingu dagsins á „ókristilegum tíma“ að eiginmanninum finnst. Hún segir það liðna tíð að geta vakað lengi fram eftir, reynir að vera með fyrri part vinnuvikunnar þyngri en síðari hlutann og í uppáhaldi eru sundferðir fjölskyldunnar. Þar stendur Sundhöll Reykjavíkur meðal annars upp úr, sem Ásta upplifir eins og að fara í sund á safni.

„Er þetta ekki miðaldrakrísa? sagði einhver. Pottþétt, svaraði ég“

Þessa dagana þeysist Jón Kaldal um Ítalíu á mótorhjóli. Hann segir að eftir aldarfjórðung í faginu líti hann alltaf á sjálfan sig sem blaðamann. Í dag rekur hann félagið Forsíða og starfar við það að finna sjónarhorn, draga saman upplýsingar eða setja þær fram með hætti sem vekur athygli eða forvitni. Að því leytinu til, er starfið í dag náskylt blaðamennskunni. 

„Það eru bara fyrstu tvö skrefin sem eru erfið“

Unnur Guðrún Pálsdóttir, sem alltaf er kölluð Lukka, viðurkennir að vinnan í Greenfit á hug hennar allan. Hún segir markmið Greenfit að bjarga heilbrigðiskerfinu og fjárhag landsmanna því þar er viðskiptavinum kennt að lesa lykiltölur sínar varðandi heilsu. Sjálf elskar hún þennan árstíma þegar haustið er að byrja. Sérstaklega þá morgna þegar hún vaknar snemma og skellir sér út að hjóla.

„Þótti Helgu betra að láta mig svelta en hundinn“

Morgnarnir eru miklar gæðastundir hjá Ásgeiri Jónssyni seðlabankastjóra, en bestu stundirnar eru úti í náttúrunni. Hápunktur sumarsins var fjögurra daga ganga með kærustunni og hundinum, sem þó endaði þannig að sá síðastnefndi fékk nánast allan matinn. Ásgeir viðurkennir að það að skipan seðlabankastjóra sé tímabundin ráðning, mótar mikið hvernig hann nálgast starfið. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×