Viðskipti innlent

Fjölmiðillinn 24 - þínar fréttir kominn í loftið

Hallgerður Kolbrún E. Jónsdóttir skrifar
Kristjón Kormákur er ritstjóri nýopnaða miðilsins 24 - þínar fréttir.
Kristjón Kormákur er ritstjóri nýopnaða miðilsins 24 - þínar fréttir. Vísir

Fjölmiðillinn 24 - þínar fréttir er kominn í loftið en hann er nýr frétta- og mannlífsmiðill í ritstjórn Kristjóns Kormáks Guðjónssonar, fyrrverandi ritstjóra Pressunnar, DV, Hringbrautar og Fréttablaðsins.

Samkvæmt fréttatilkynningu frá 24.is er miðillinn alfarið í eigu starfsmanna hans en stofnendur miðilsins eru, auk Kristjóns Kormáks, þau Tómas Valgeirsson, Sunna Rós Víðisdóttir og Guðbjarni Traustason. 

Kristjón Kormákur segir að um sé að ræða frjálsan og óháðan fjölmiðil sem „birti ekki allar fréttir en birti þínar fréttir.“

„Á 24.is verðum við gagnrýnin og beitt en leggjum líka áherslu á hið jákvæða og mannlega um allt land. Svo verðum rödd þeirra sem eru of brotnir til að tala eða misstu trúna á réttlæti og sanngirni,“ segir Kristjón Kormákur í fréttatilkynningu. 

Hér má sjá Tómas Valgeirsson (t.v.), Sunnu Rós Víðisdóttur (f.m.) og Guðbjarna Traustason (t.h.)Aðsend

Til að byrja með verða fjórir blaðamenn á miðlinum en Kristjón segir í samtali við fréttastofu að hann vonist til að geta skrifað meira þegar búið sé að klára allt sem fylgi því að stofna nýjan fjölmiðil. Þá stendur til að miðillinn muni framleiða hlaðvarpsþætti og jafnframt eru hugmyndir uppi um að prenta mánaðarlega blað þegar líða fer á veturinn. 

Guðbjarni Traustason verður framkvæmdastjóri miðilsins, Sunna Rós stjórnarformaður og Trausti verður frétta- og tæknistjóri og hönnuður vefmiðilsins. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,25
149
592.866
LEQ
1,46
2
1.138
ICESEA
1,22
1
30
SYN
0,88
1
600
SJOVA
0,51
1
990

Mesta lækkun dagsins


Félag
Br.%
Fjöldi
Velta*
ISB
-1,12
18
43.675
FESTI
-0,92
2
380
KVIKA
-0,73
14
241.369
REGINN
-0,66
3
31.100
REITIR
-0,61
1
16.300
Velkomin á Vísi. Þessi vefur notar vafrakökur. Sjá nánar.