Viðskipti erlent

Stjórn AGS lýsti yfir stuðningi við Georgievu

Kjartan Kjartansson skrifar
Kristalina Georgieva nýtur enn stuðnings framkvæmdastjórnar Alþjóðagjaldeyrissjóðsins þrátt fyrir ásakanir um þjónkun við Kínastjórn hjá Alþjóðabankanum.
Kristalina Georgieva nýtur enn stuðnings framkvæmdastjórnar Alþjóðagjaldeyrissjóðsins þrátt fyrir ásakanir um þjónkun við Kínastjórn hjá Alþjóðabankanum. AP/Peter Dejong

Kristalina Georgieva getur setið áfram sem framkvæmdastjóri Alþjóðagjaldeyrissjóðsins eftir að stjórn hans lýsti yfir fullum stuðningi við hana að liknum fundi í gær. Taldi stjórnin ekki fullsannað að Georgieva hefði beitt sér á óeðlilegan hátt í þágu Kína þegar hún starfaði fyrir Alþjóðabankann.

Niðurstöður skýrslu sem var unnin fyrir siðanefnd Alþjóðabankans var að Georgieva, sem þá var forstjóri bankans, og forseti hans hefðu sett þrýsting á starfsmenn að eiga við gögn til að fegra stöðu Kína á lista yfir þau ríki þar sem best er að stunda viðskipti í heiminum árið 2017.

Georgieva tók við stöðu framkvæmdastjóra Alþjóðagjaldeyrissjóðsins í október árið 2019. Stjórn sjóðsins fundaði stíft um ásakanirnar og framtíð Georgievu um helgina og fram á gærdaginn.

Á endanum komst stjórnin að þeirri niðurstöðu að ekki væri nægilega sannað að Georgieva hefði gert nokkuð rangt hjá Alþjóðabankanum.

„Eftir að hafa skoðað öllu sönnunargögnin sem voru lögð fram ítrekað framkvæmdastjórnin full traust sitt á forystu framkvæmdastjórans og getu hans til að halda áfram að gegna skyldum sínum,“ sagði stjórnin í yfirlýsingu, að sögn AP-fréttastofunnar.

Sú yfirlýsing var með þeim fyrirvara að enn standi yfir rannsókn á vegum Alþjóðabankans. Bandaríkjastjórn áskilji sér rétt til að fylgjast grannt með framvindu þeirrar rannsóknar. Janet Yellen, fjármálaráðherra Bandaríkjanna, sagði að skýrsla Alþjóðabankans hafi leitt í ljós raunveruleg álitamál en að í ljósi skorts á frekari sönnunargögnum um beina aðild Georgievu að misferli væri ekki grundvöllur til þess að skipta henni út.

Georgieva hefur hafnað allri sök og sakað skýrsluhöfunda um að neita að leyfa sér að bregðast við ásökununum. Á þeim tíma sem hún og Jim Yong Kim, forseti Alþjóðabankans, eiga að hafa beitt sér í þágu Kína reyndu þau að sannfæra stjórnvöld í Beijing til þess að leggja bankanum til aukið hlutafé.

Framkvæmdastjórinn er einnig sagður hafa beitt sér á vafasaman hátt hjá Alþjóðagjaldeyrissjóðnum í sumar. Bloomberg-fréttastofan sagði frá því að árlegri úttektarskýrslu um Brasilíu hefði verið breytt og varúðarorð um loftslagsbreytingar fjarlægð eftir að Georgieva ræddi persónulega við fulltrúa ríkisstjórnar Jairs Bolsonaro.


Tengdar fréttir

AGS út­vatnaði varnaðar­orð um á­hættu vegna lofts­lags­breytinga

Stjórnendur hjá Alþjóðagjaldeyrissjóðnum lúffuðu fyrir fulltrúum Brasilíu og milduðu orðalag þar sem varað var við áhættu brasilísks efnahagslífs vegna loftslagsbreytinga í árlegri skýrslu. Framkvæmdastjóri sjóðsins á fyrir í vök að verjast vegna ásakana um að hún hafi gengið erinda Kínverja hjá Alþjóðabankanum.

Stjórn AGS ræðir framtíð Georgievu

Framtíð Kristalinu Georgievu, framkvæmdastjóra Alþjóðagjaldeyrissjóðsins (AGS), er enn óráðin eftir að stjórn sjóðsins tók enga ákvörðun á maraþonfundum um helgina. Stjórnin ætlar að funda aftur vegna ásakana um að Georgieva hafi gengið erinda Kínverja í dag.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
3,85
27
195.390
MAREL
2,66
63
670.001
ORIGO
0,74
16
131.303
BRIM
0,68
6
3.656
LEQ
0,53
1
501

Mesta lækkun dagsins


Félag
Br.%
Fjöldi
Velta*
ICEAIR
-4,1
123
251.373
ICESEA
-2,56
11
44.079
EIM
-1,75
7
51.218
VIS
-1,39
4
80.898
REGINN
-1,35
3
47.375
Velkomin á Vísi. Þessi vefur notar vafrakökur. Sjá nánar.