Atvinnulíf

Ætlaði að verða atvinnumaður í fótbolta en skemmtanahaldið heillaði

Rakel Sveinsdóttir skrifar
Tómas Númi Sigurðsson. 
Tómas Númi Sigurðsson.  Vísir/Vilhelm

Tómas Númi Sigurðsson rekstrarstjóri Pablo Discobar hvetur landsmenn hreinlega til að dusta rykið af dansskónnum, drífa sig í glimmergallann og skella sér á diskó en skemmtistaðurinn Pablo Discobar opnaði á ný um síðustu helgi. Þegar Tómas var gutti ætlaði hann að verða atvinnumaður í fótbolta þegar hann yrði stór.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Ég vakna yfirleitt milli klukkan sjö og og átt á morgnana enda gott að byrja daginn snemma.“

Hvað er það fyrsta sem þú gerir á morgnana?

„Ég byrja morgnana á að fara í ræktina, þá fer maður ferskur inn í daginn.“

Þegar þú varst lítill….hvað ætlaðir þú þá að verða þegar þú yrðir stór?

Ég vildi verða atvinnumaður í fótbolta en svo einhvern veginn datt ég inn í veitingargeirann og þaðan í skemmtanahald en skemmtanahald höfðaði meira til mín.“

Tómas hvetur landsmenn til að dusta rykið af dansskónnum og skella sér á diskó því Pablodisco bar opnaði á ný um síðustu helgi. Á staðnum er 25 ára aldurstakmark.Vísir/Vilhelm

Í hvaða verkefni ertu að vinna helst í þessa dagana?

Þessa dagana er ég einna helst að vinna í Pablo Discobar sem við opnuðum seinustu helgi eftir langa fjarveru með öllu tilheyrandi; tvöfalt stærri og tvöfalt skemmtilegri. 

Ég hvet því alla dansþyrsta landsmenn til að rífa fram glimmer gallann, dusta rykið af dansskónum og skella sér á Pablo Discobar.

En svo er ég einnig með viðburðarfyrirtækið Volume sem er þunga miðja Íslensku raftónlistar senunnar.

Volume heldur reglulega klúbbakvöld og aðstoðar listamenn við að koma sér á framfæri hér heima sem og erlendis. Volume rekur einnig green screen og podcast studio svo eitthvað sé nefnt.“

Hvernig skipuleggur þú þig í vinnu?

„Það fer virkilega eftir verkefninu en yfirleitt set ég verkefnið upp í google sheets og fæ góða yfirsýn yfir verkefnið. Út frá því getur maður haldið utan um alla kanta á verkefninu.“

Hvenær ferðu að sofa á kvöldin?

„Ég yfirleitt að sofa í kringum miðnætti. Góður svefn er mikilvægur fyrir líkama og sál.“


Tengdar fréttir

Liðin tíð að vaka frameftir og allt betra eftir fjölskyldusund

Ásta Sigríður Fjeldsted, framkvæmdastjóri Krónunnar, vaknar snemma og klárar helst hreyfingu dagsins á „ókristilegum tíma“ að eiginmanninum finnst. Hún segir það liðna tíð að geta vakað lengi fram eftir, reynir að vera með fyrri part vinnuvikunnar þyngri en síðari hlutann og í uppáhaldi eru sundferðir fjölskyldunnar. Þar stendur Sundhöll Reykjavíkur meðal annars upp úr, sem Ásta upplifir eins og að fara í sund á safni.

„Ég er eiginlega bara partí plötusnúður“

Kristján Ásgeirsson, framkvæmdastjóri Fiskikóngsisn og Heitirpottar.is, segist vakna á nóttunni enda vekjaraklukkan stillt á rúmlega klukkan fimm. Þá þarf að huga að hvernig bátum hefur gengið að afla. Eitt það skemmtilegasta sem Kristján gerir er að vera plötusnúður og skemmta fólki.

„Það eru bara fyrstu tvö skrefin sem eru erfið“

Unnur Guðrún Pálsdóttir, sem alltaf er kölluð Lukka, viðurkennir að vinnan í Greenfit á hug hennar allan. Hún segir markmið Greenfit að bjarga heilbrigðiskerfinu og fjárhag landsmanna því þar er viðskiptavinum kennt að lesa lykiltölur sínar varðandi heilsu. Sjálf elskar hún þennan árstíma þegar haustið er að byrja. Sérstaklega þá morgna þegar hún vaknar snemma og skellir sér út að hjóla.

„Þótti Helgu betra að láta mig svelta en hundinn“

Morgnarnir eru miklar gæðastundir hjá Ásgeiri Jónssyni seðlabankastjóra, en bestu stundirnar eru úti í náttúrunni. Hápunktur sumarsins var fjögurra daga ganga með kærustunni og hundinum, sem þó endaði þannig að sá síðastnefndi fékk nánast allan matinn. Ásgeir viðurkennir að það að skipan seðlabankastjóra sé tímabundin ráðning, mótar mikið hvernig hann nálgast starfið. 

Vakin með knúsi en tjaldútilegurnar með eiginmanninum bestar

Alma Dagbjört Möller landlæknir fær knús frá hundunum sínum þegar hún vaknar eldsnemma á morgnana og hlakkar alltaf til dagsins. Hún segir tjaldútilegu með eiginmanninum á hálendinu bestu leiðina til að aftengja sig frá daglegu amstri og í sumar fékk hún það nýja hlutverk að fara í morgungöngur með tvíburaömmustelpur í vagni. Í vinnunni gerir hún það sama og svo margir: Skrifar niður lista yfir helstu verkefni dagsins.

„Er þetta ekki miðaldrakrísa? sagði einhver. Pottþétt, svaraði ég“

Þessa dagana þeysist Jón Kaldal um Ítalíu á mótorhjóli. Hann segir að eftir aldarfjórðung í faginu líti hann alltaf á sjálfan sig sem blaðamann. Í dag rekur hann félagið Forsíða og starfar við það að finna sjónarhorn, draga saman upplýsingar eða setja þær fram með hætti sem vekur athygli eða forvitni. Að því leytinu til, er starfið í dag náskylt blaðamennskunni. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.