Makamál

„Við strákarnir þurfum að rífa okkur í gang“

Ása Ninna Pétursdóttir skrifar
Sushi- og matreiðslumeistarinn Axel Clausen í viðtali við Makamál. 
Sushi- og matreiðslumeistarinn Axel Clausen í viðtali við Makamál. 

„Ætli draumastefnumótið sé ekki bara léttur kvöldverður, helst frekar seint um kvöld. Fara svo í einhverja náttúrulaug með búbblur og spjalla fram á nótt,“ segir Axel Clausen í viðtali við Makamál. 

Axel er einhleypur tveggja barna faðir og matreiðslumeistari. Hann opnaði í vor veitingastaðinn Umami Sushi í mathöllinni BORG29 og segir hann veturinn leggjast mjög vel í sig. 

„Það verður mjög gaman að halda áfram að sjá staðinn vaxa og dafna í vetur. Viðtökurnar hafa verið frábærar. Það er mikil spenna fyrir komandi tímum hér í Borg29 þar sem flestir virkir dagar eru yfirfullir og helgarnar algjörlega sturlaðar, þvílík stemmning!

Hvernig finnst þér stefnumótamenningin vera á Íslandi? 

„Stefnumótamenningin á Íslandi er núna orðin ansi áhugaverð, sérstaklega eftir að Covid skall á og allt lokaði. Fólk byrjaði þá að nota stefnumótaforritin meira.“

Mig grunar nú samt að það séu fullt af riddurum á hvíta hestinum tilbúnir til í að bjóða á deit en eru eitthvað smeykir við það. Við strákarnir þurfum að rífa okkur í gang.

Notar þú sjálfur stefnumótaforrit? 

„Já, sjálfum finnst mér alveg gaman að skrolla á Tinder og Smitten, áhugaverð öpp.“

Axel segir stefnumótamenninguna hafa breyst mikið eftir heimsfaraldurinn en strákar þurfi að vera duglegri að bjóða á stefnumót. 

Hér fyrir neðan segir Axel frá því sem honum finnst heillandi og óheillandi í viðtalsliðnum Boneorðin 10.


ON

  1. Metnaður- Fátt meira sexí en stelpur sem eru duglegar og hafa mikinn metnað fyrir því sem þær eru að gera í lífinu
  2. Bros - Fallegt bros getur róað taugarnar og breytt líðan manns á nokkrum sekúndum. Elska það. 
  3. Húmor - Stelpur sem hafa gaman af lífinu og sjálfum sér. Húmor gerir allar stundir skemmtilegar.
  4. Jákvæðni - Að dvelja ekki lengi við skrítna og erfiða hluti og snúa flestu upp í jákvæðni er ákveðin list, og mjög sexí. 
  5. Íþróttabuxur- Þarf ég að segja meir?
  6. Sjálfstæði - Súper mikið turn ON. Augljós útgeislun og sjálfsöryggi en ekki of góð međ sig. That's HOT!

„Það er allt svo sexí. Erfitt að velja bara fimm atriði.“

OFF

  1. Neikvæðni - Það hljóta flestir að vera sammála því að það er séu sammála því að það er fátt meira óheillandi en neikvæðni. Allt í lagi að tuða aðeins en svo heldur bara lífið áfram.
  2. Leti - Liggja heima og bíða eftir að hlutirnir gerist að sjálfu sér. Það er ekki alveg málið. 
  3. Stefnuleysi - Andstæðan við það að hafa metnað. Þessi manneskja þarf aðeins að rífa sig í gang.

„Það er allt svo gott og sexí í lífinu þannig að þrjú OFF atriði verða að nægja frá mér í þetta sinn. “


Fyrir þá sem vilja fylgjast meira með Axel er hægt að nálgast Instagram prófílinn hans hér. 


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.