Neytendur

Vara við Sprota-spari­baukum Lands­bankans

Atli Ísleifsson skrifar
Baukurinn var ranglega CE-merktur sem leikfang.
Baukurinn var ranglega CE-merktur sem leikfang. Neytendastofa

Neytendastofa hefur varað við Sprota sparibaukum Landsbankans sem bankinn afhendir börnum. Baukarnir eru sagðir geta verið hættulegir og ekki ætlaðir við leik barna, enda kunni smámynt af detta úr baukunum sem geti valdið köfnunarhættu hjá börnum.

Frá þessu segir á vef Neytendastofu, en stofnunin fékk á dögunum ábendingu um málið. Segir að baukurinn hafi verið ranglega CE-merktur sem leikfang af framleiðanda baukanna, Trix vöruþróun ehf.

„Foreldrar eru sérstaklega hvattir til að fylgjast vel með og passa að ung börn séu ekki að leika sér með baukinn. Vill Neytendastofa minna neytendur á að það kann að vera sérstaklega hættulegt þegar börn komast í smáa muni, enda eiga börn það til að stinga slíkum munum upp í sig.

Áður hafa komið upp mál þar sem slíkir munir hafa lokað fyrir öndunarveg barna. Það er því mikilvægt að foreldrar gæti varúðar þegar börnum er leyft að nýta ákveðna hluti við leik,“ segir á vef Neytendastofu.

Neytendur Íslenskir bankar Börn og uppeldi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið